05.09.2026 | 11:03
Վթարային ջրանջատում 3 մարզերում
Ծիրանը տենց խայսաթ ունի, մի տարի բերք է տալիս, մի տարի չի տալիս. Փաշինյան․ ՏԵՍԱՆՅՈւԹ
Քաղաքականություն
04.07.2026 | 18:20
Վարչապետ Նիկոլ Փաշինյանն այսօր այցելել է Վեդի համայնքի Դաշտաքար բնակավայր, որտեղ զրուցել է բնակիչների հետ։ Նրանք վարչապետին են ներկայացրել ծիրանի բերքահավաքի ընթացքը։
«Իրացումը լավ է, հիմա հատիկը լավ է, չնայած բերքը քիչ է, դե եղանակն էր, ցրտահարություն եղավ, դրա համար։ Էս տարի գինը բարձրացել ա 500-800 դրամ»,- ասաց բնակիչներից մեկը։
Վարչապետն ընդգծեց նոր տեխնոլոգիաների, մասնավորապես՝ կաթիլային ոռոգման համակարգերի ներդրման կարևորությունը՝ ջրային ռեսուրսների խնայողության և բերքատվության բարձրացման մասով
Դաշտաքարցիները վարչապետի առաջ բարձրացրին նաև դպրոցի անմխիթար վիճակի հարցը։ Բնակիչների խոսքով՝ դպրոցը դեռևս 2010 թվականից ունի 3-րդ կարգի վթարայնություն, չունի մարզադահլիճ, ճաշարան և խաղահրապարակ։
Արձագանքելով խնդրին՝ Նիկոլ Փաշինյանը նշել է, որ Կառավարության «300 դպրոց» ծրագրի երկրորդ փուլի շրջանակներում առաջնահերթություն է տրվելու հենց վթարային շենքերին։
«Եթե դպրոցը վթարային է, ուրեմն երեխեքը նոր դպրոց կունենան, դա հաստատ»,- հայտարարեց վարչապետը՝ հավելելով, որ համայնքը պետք է հստակեցնի իր առաջնահերթությունները՝ խնդիրները փուլ առ փուլ լուծելու համար։
Մանրամասները՝ տեսանյութում։
