03.07.2026 | 23:24
Երևանում ձերբակալվել է մարիխուանայի մաքսանենգության և իրացման մեջ կասկածվող երեք անձ
Ուկրաինայի զինված ուժերը հրթիռային հարված են հասցրել Բելգորոդին. զոհ կա
Քաղաքականություն
03.07.2026 | 11:20
Հուլիսի 3-ի առավոտյան Ուկրաինան հրթիռային հարված է հասցրել ՌԴ Բելգորոդ քաղաքին և Բելգորոդի շրջանին, հայտնել է տարածաշրջանային օպերատիվ խումբը, գրում է Meduza-ն։
Հարվածի հետևանքով կին է զոհվել։ Քաղաքապետ Վալենտին Դեմիդովը պարզաբանել է, որ նա բեկորային վնասվածքներ է ստացել մեքենայում գտնվելու ժամանակ, մահացել է մինչև շտապօգնության ժամանումը։
Օպերատիվ շտաբ տվյալներով՝ հրդեհ է բռնկվել ենթակառուցվածքային օբյեկտում։ «Լուրջ վնաս» է հասցվել էներգետիկ ենթակառուցվածքներին։ Մի քանի համայնքներում էլեկտրաէներգիայի և ջրի անջատումներ են։
«Пепел» տելեգրամյան ալիքը պնդում է, որ հարվածի տակ են հայտնվել Գուբկինա փողոցում գտնվող «Յուժնայա» էլեկտրակայանը և Միչուրին փողոցում գտնվող «Էներգո» ջերմաէլեկտրակայանի տարածքում գտնվող կայանը։
Ուկրաինական կողմը որևէ մեկնաբանություն չի արել Բելգորոդի վրա հարձակման վերաբերյալ։
Ռուսաստանի Պաշտպանության նախարարությունը հայտարարել է, որ գիշերը խոցվել է 155 ուկրաինական անօդաչու թռչող սարք, այդ թվում՝ Բելգորոդի և Մոսկվայի մարզերի վրա։
Թարգմանությունը՝ Էմմա Չոբանյանի
