29.06.2026 | 20:51
«Հարյուրավոր աշխատանքից ազատվածնե՞ր». Նարեկ Կարապետյանի պնդման հետքերով․ ՏԵՍԱՆՅՈւԹ
Իրանի նախագահը հայտարարել է իրանական 6 միլիարդ դոլարի ակտիվներն ապասառեցնելու պայմանավորվածության մասին
Քաղաքականություն
29.06.2026 | 15:29
Իրանի նախագահ Մասուդ Փեզեշքիանը հայտարարել է, որ Կատարը կազատի իրանական սառեցված 6 միլիարդ դոլարի ակտիվները, գրում է Al Arabiya-ն։
Փեզեշքիանն Իրանի ամենաբարձրաստիճան պաշտոնյան է, որը հղում է կատարում Պակիստանի հետ բանակցություններում գլխավոր միջնորդ Կատարի կողմից պահվող միջոցների ազատմանը։ Մինչ այժմ ԱՄՆ պաշտոնյաները հայտնում են, որ Իրանի սառեցված ակտիվները չեն ազատվել։
«Կազմված ծրագրերի հիման վրա Կատարում գտնվող իրանական ընդհանուր 12 միլիարդ դոլարի ռեսուրսներից 6 միլիարդ դոլարը կազատվի և կվերադարձվի երկիր, անհրաժեշտ հետևողական քայլեր են ձեռնարկվում»,- Փեզեշքիանի խոսքերն է մեջբերել պետական IRNA լրատվական գործակալությունը։
Կիրակի Իրանն անօդաչու թռչող սարքերով և հրթիռներով հարվածներ է հասցրել Բահրեյնին և Քուվեյթին՝ Իսլամական Հանրապետության դեմ ԱՄՆ-ի նոր ավիահարվածներից հետո, նաև սպառնացել պատերազմը դադարեցնելուն ուղղված բանակցությունների կասեցմամբ, եթե Վաշինգտոնը շարունակի իր հարձակումները։
Բանակցությունների ընթացքին ծանոթ աղբյուրը երկուշաբթի Reuters-ին հայտնել է, որ փոխըմբռնման հուշագրի իրականացման ուղղությամբ աշխատող իրանական և ամերիկյան տեխնիկական թիմերը պատրաստվում են հանդիպել Դոհայում առաջիկա օրերին։ Աղբյուրը հավելել է, որ միջնորդները կապի ուղիներ են ստեղծել ցանկացած միջադեպ ապաէսկալացնելու համար, և որ տեխնիկական բանակցությունները նախատեսվում է շարունակել։
Թարգմանությունը՝ Էմմա Չոբանյանի
