26.06.2026 | 14:15
«Ծանր սրտով ենք բաժանվել մեր գործընկերներից»․ՍԴ կազմը ոչ իրավազոր ճանաչելու միջնորդությունը մերժվեց․ ՏԵՍԱՆՅՈՒԹ
Ի՞նչ եք ակնկալում ինձնից. ընտրությունների վիճարկման գործով զեկուցող դատավոր Էդգար Շաթիրյան․ ՏԵՍԱՆՅՈՒԹ
Հասարակություն
26.06.2026 | 11:44
Սահմանադրական դատարանի դատավոր Էդգար Շաթիրյանը հրաժարվեց մեկնաբանել ՍԴ դատավոր Սեդա Սաֆարյանի հնարավոր ինքնաբացարկի շուրջ ստեղծված իրավիճակը՝ նշելով, որ հարցին անդրադարձ կլինի ավելի ուշ։
«Ի՞նչ եք ակնկալում ինձնից այս պահին՝ արձագա՞նք։ Նման հարց կբարձրացվի, արձագանք կլինի։ Այս պահին բոլորիդ լավ օր եմ մաղթում»,- դատարանի բակում լրագրողների հետ զրույցում ասաց Շաթիրյանը։
Լրագրողների հարցին՝ արդյոք Սեդա Սաֆարյանի հարցը մերժվել է աշխատակարգային որոշմամբ, և քանի՞ դեմ ձայնով, ինչպես նաև՝ արդյոք դատավորներ Արտակ Զեյնալյանն ու Վլադիմիր Վարդանյանը մասնակցել են այդ քվեարկությանը, Շաթիրյանը պատասխանեց․ «Հարցերը քննարկվել են աշխատակարգային միևնույն նիստում, և բոլոր երեք դատավորներն էլ մասնակցել են գործընկերների մասնակցության անհնարինության հարցով քվեարկությանը։ Ես ենթադրում եմ՝ հարցը այսօր կդառնա քննարկման առարկա, այս պահին ձեռնպահ եմ մնում մանրամասներ ներկայացնելուց»։
Հիշեցնենք` ՍԴ քննում է քաղաքական 7 ուժերի դիմումները ընտրությունների արդյունքների վիճարկման վերաբերյալ: Շաթիրյանը նշանակվել է գործող զեկուցող, իսկ դատավորներ Վլադիմիր Վարդանյանն ու Արտակ Զեյնալյանը ՍԴ աշխատակարգային որոշումներով չեն մասնակցի քննությանը: Որոշման համաձայն՝ Վարդանյանն ու Զեյնալյանը ունեն կանխակալ վերաբերմունք որպես կողմ հանդես եկող անձի, նրա ներկայացուցչի, դատավարության այլ մասնակիցների նկատմամբ։ Իսկ որպես երրորդ կողմ հանդես է գալու «Քաղաքացիական պայմանագիր» կուսակցությունը։
Մամրամասները` տեսանյութում:
