Գիշերվա կեսին գողացան ժողովրդի քվեն. Տոնոյանը` ԿԸՀ-ի որոշման մասին. ՏԵՍԱՆՅՈւԹ

«Րոպեներ առաջ տեսանք, թե ինչպես են (սովորաբար արդեն Կենտրոնական ընտրական հանձնաժողովը սովոր է, որ պետք է գիշերվա կեսին, մթության քողի տակ, հանցագործի նման) գողանում ժողովրդի վստահության քվեն։ Ինչպես գիշերվա կեսին անվավեր ճանաչեցին տեղամասերի արդյունքները, նույն կերպ էլ հիմա գողանում են ձեր քվեն»,-այս մասին ԿԸՀ բակում հայտարարեց ԲՀԿ անդամ Իվետա Տոնոյանը։

«Սիրելի՛ ժողովուրդ, ամենալկտի ու այլանդակ ձևով Կենտրոնական ընտրական հանձնաժողովը, որն իրեն հռչակում է կոլեգիալ մարմին, ոտնահարում է մեր հայրենակիցների՝ 3000-ից ավելի մեր հայրենակիցների ընտրելու իրավունքը։ Որևէ հոդաբաշխ բացատրություն Կենտրոնական ընտրական հանձնաժողովի նախագահ կոչվող Հովակիմյանը (ով, ըստ տարբեր շրջանառվող լուրերի, իր տան նկուղում, ասեմ, բունկեր է պատրաստում, ու շատ ճիշտ է անում, որ բունկեր է պատրաստում, բայց դա էլ չի փրկելու) չի տալիս։ Չի կարելի նման կերպ վարվել ժողովրդավարության հետ։

Դո՛ւք եք խոսում, ա՛յ իշխանության կամակատարներ, դո՛ւք եք խոսում ժողովրդավարությունից, դո՛ւք եք խոսում արդարությունից։ Ո՞նց կարելի է նման արհամարհական վերաբերմունք ունենալ մեր ժողովրդի, ընտրություն կատարած մեր հայրենակիցների քվեի նկատմամբ։ Սա ամենավերջին մակարդակի լկտիություն է, որովհետև ակնհայտ է, որ կոնկրետ Կենտրոնական ընտրական հանձնաժողովը ուղղորդվում է մեկ մարդու կողմից, ու այդ մարդը Նիկոլ Փաշինյանն է»,-նշեց նա։

Մանրամասները՝ տեսանյութում։