05.06.2026 | 22:52
Միջազգային դիտորդների թիվը 1/3-ով ավելացել է
«Հիանալի կլիներ, եթե նրանք հանդիպեին». Թրամփը` Պուտինին ուղղված Զելենսկիի նամակի մասին
Քաղաքականություն
05.06.2026 | 12:02
ԱՄՆ նախագահ Դոնալդ Թրամփը պատերազմն ավարտելու համար ՌԴ նախագահ Վլադիմիր Պուտինին ուղղված Ուկրաինայի նախագահ Վլադիմիր Զելենսկիի բաց նամակի մասին ասել է, որ «հիանալի կլիներ», եթե Զելենսկին և Պուտինն իրականում հանդիպեին, գրում է BBC -ի ռուսական ծառայությունը։
«Ես ուրախ եմ, որ նրանք, հավանաբար, խոսում են հանդիպման մասին։ Կարծում եմ՝ մենք այստեղ մեծ դեր ենք խաղացել։ Կարծում եմ՝ հիանալի կլինի, եթե նրանք հանդիպեն։ Ժամանակն է, որ նրանք լուծեն այս հարցը։ Նրանք երկուսն էլ պետք է փոխզիջումների գնան։ Ես առաջարկել եմ այդ փոխզիջումները և, գիտեք, մենք մեծ դեր ենք խաղացել դրանում»,- հայտարարել է Թրամփը՝ առանց մանրամասնելու, թե ինչպիսի փոխզիջումների մասին է խոսքը։
Վլադիմիր Զելենսկին հինգշաբթի բաց նամակ է հրապարակել Վլադիմիր Պուտինին ուղղված՝ հայտարարելով, որ Ուկրաինան ունակ է կտրուկ բարձրացնել պատերազմի գինը Ռուսաստանի համար և կոչ է արել դեմ առ դեմ հանդիպում անցկացնել ու պայմանավորվել պատերազմի դադարեցման շուրջ։
Թարգմանությունը՝ Էմմա Չոբանյանի
