06.10.2026 | 12:37
TRIPP-ի զարգացմանը զուգահեռ սպասվում է Հայաստան–Թուրքիա սահմանի բացում․ Փաշինյան
«Պուտինի հետ պոզիտիվ զրույց եմ ունեցել․ սահմանափակումները քաղաքացիներին տրամադրում են ԵՏՄ-ի դեմ»․ Փաշինյան․ ՏԵՍԱՆՅՈւԹ
Քաղաքականություն
02.06.2026 | 12:39
Սահմանափակումները, որոնք հիմա կան գյուղմթերքի վրա, կարծում եմ, որ դրանք սխալ քայլեր են, քանի որ մարդկանց տրամադրում են ԵՏՄ-ի դեմ: Այս մասին ռուսական Известия-ի հետ զրույցում ասել է վարչապետ Նիկոլ Փաշինյանը։ Ռուսական պարբերականի լրագրողը նրան հարցեր է ուղղել Ծովագյուղում ՔՊ-ի քարոզարշավի ընթացքում։
«Եվ ես՝ որպես ԵՏՄ բարձրաստիճան պաշտոնյա, դա ինձ համար խնդիր եմ համարում: Ֆիտոսանիտարական հսկողություն, որն անցնում են առանձին ընկերություններ, կարող են ունենալ նման խնդիրներ, և դա ամենուր է՝ և՛ Ռուսաստանում, և՛ Բելառուսում: Բայց ընդհանուր առմամբ, մենք շատ լավ արտադրանք ունենք և շարունակաբար բարելավում ենք մեր սանիտարական հսկողության որակը։
Երեկ ես խոսել եմ Ռուսաստանի նախագահի հետ, շնորհակալություն հայտնեցի զանգի համար. զանգահարել էր ինձ ծննդյանս օրվա առթիվ շնորհավորելու համար: Բայց մենք խոսեցինք նաև ընթացիկ գործերի մասին, և մենք պոզիտիվ զրույց ունեցանք: Կարծում եմ՝ այս համատեքստում լավագույն քայլը կլիներ պարզապես հրաժարվել ամեն տեսակ սահմանափակումներից: Այն, ինչ վերաբերում է ֆիտոսանիտարիային, սովորական երևույթ է, միշտ էլ եղել է և պետք է լինի: Բայց այս պահին դա քաղաքականացվում է, և ես վախենում եմ, որ դա որոշակի բացասական տրամադրություններ կստեղծի Հայաստանի Հանրապետությունում Եվրասիական տնտեսական միության ուղղությամբ»,- ասել է նա։
Մանրամասները՝ տեսանյութում։
