14.07.2026 | 17:22
Եվրախորհրդարանում Բաքվում պահվող հայ գերիների հետ կապված համաժողով է ընթանում
Կրեմլը կարծում է, որ ԵՏՄ գագաթնաժողովի օրակարգը բարդ կլինի Հայաստանի պատճառով
Քաղաքականություն
27.05.2026 | 15:53
Ղազախստանում կայանալիք ԵՏՄ գագաթնաժողովի օրակարգը բարդ կլինի՝ պայմանավորված Հայաստանի եվրոպական ձգտումներով, հայտարարել է Ռուսաստանի նախագահի մամուլի քարտուղար Դմիտրի Պեսկովը, գրում է Ինտերֆաքսը։
«Օրակարգը բարդ է։ Ինտեգրացիայի թեմայից զատ՝ դուք գիտեք, որ Հայաստանի հետ կապված բարդ իրավիճակ է։ Հայաստանը ձգտում է ինտեգրվել մեկ այլ միության։ Սրանք փոխադարձաբար բացառող գործընթացներ են»,- լրագրողներին ասել է նա։
Կրեմլի խոսնակը հիշեցրել է, որ Հայաստանի՝ ԵՄ-ին ինտեգրվելու նպատակն ամրագրված է օրենքով։ Նա նաև նշել է, որ շատ երկրների համար ԵՄ-ին միանալու ձգտումներն ապարդյուն երազանք են դառնում։ Նա որպես օրինակ բերել է Թուրքիան, որը տասնամյակներ շարունակ փորձել է անդամակցել Միությանը։
«Մենք չպետք է դատենք, թե ինչ դիվիդենտներ կարող է բերել Հայաստանին եվրոպական ինտեգրացիան, բայց մենք կարող ենք վկայել այն դիվիդենտների մասին, որոնք Հայաստանը ստանում է ԵՏՄ-ին անդամակցությունից։ Դա երկրի ՀՆԱ-ի տարեկան զարգացման և աճի կայուն մի քանի տոկոսային կետ է։ Արդյո՞ք ԵՄ-ն կապահովի դա, հավանաբար, կախված է ոչ թե մեզանից, այլ հենց հայերից։ Մենք պետք է կենտրոնանանք մեր ինտեգրման, Եվրասիական տնտեսական միության վրա»,- հավելել է Պեսկովը։
Նա նաև հայտարարել է, որ Հայաստանը մնում է ԵՏՄ-ում և կմասնակցի աշխատանքային մակարդակով Աստանայում կայանալիք գագաթնաժողովին։
«Հայաստանը մնում է ԵՏՄ-ում։ Հայաստանը կմասնակցի աշխատանքային մակարդակով, բայց, այնուամենայնիվ, կմասնակցի։ Երկրի ամբողջ բարձրագույն ղեկավարությունը զբաղված է նախընտրական քարոզարշավով, և դա հասկանալի է»,- լրագրողներին ասել է Պեսկովը։
Մայիսի 28-ին Աստանայում կայանալիք ԵՏՄ գագաթնաժողովին Հայաստանը ներկայացնելու է փոխվարչապետ Մհեր Գրիգորյանը։
Թարգմանությունը՝ Էմմա Չոբանյանի
