15.10.2026 | 14:13
Շվեյցարիան աջակցում է ՀՀ-Ադրբեջան խաղաղության պայմանագրի ստորագրման գործընթացին. Իգնասիո Կասիս
Լապշինի արտահանձնումը դեռևս հնարավոր չէ. փաստաբան
Քաղաքականություն
24.07.2017 | 19:38
Բաքվում 3 տարով ազատազրկման դատապարտված ՌԴ և Իսրայելի քաղաքացի, բլոգեր Ալեքսանդր Լապշինի արտահանձնումը դեռևս հնարավոր չէ. դատարանի որոշումը դեռ ուժի մեջ չի մտել, իսկ պաշտպանությունը դեռ որոշում չի կայացրել բողոքարկում ներկայացնելու մասին: Այդ մասին հայտարարել է բլոգերի փաստաբան Էդուարդ Չերնինը, փոխանցում է ria.ru-ն:
«Արտահանձնումը հնարավոր չէ, քանի դեռ դատարանի որոշումն ուժի մեջ չի մտել: Հաջորդ շաբաթ ես կհանդիպեմ նրան: Հանդիպումից հետո պարզ կդառնա՝ բողոքարկում կներկայացվի, թե ոչ: Դեռ Լապշինն այդ առնչությամբ ոչ մի որոշում չի կայացրել»,- ասել է Չերնինը:
Հիշեցնենք, որ Ալեքսանդր Լապշինը ձերբակալվել է Մինսկում 2016 թվականի դեկտեմբերի 15-ին՝ Ադրբեջանի դիմումի համաձայն, և արտահանձնվել Բաքվին 2017 թվականի փետրվարի 7-ին՝ Արցախ այցելելու, ինչպես նաև Ադրբեջանի քաղաքականությունը քննադատելու համար:
