02.04.2026 | 16:24
Ապացույցների մեջ ակնհայտ հակասություններ կան․ Օրբելյանը՝ ՀԷՑ-ում արձանագրած խախտումների մասին․ ՏԵՍԱՆՅՈՒԹ
Պեսկովը մեկնաբանել է Ուկրաինայի հետ սահմանին ռուսական զորքերի տեղակայումը
Քաղաքականություն
24.07.2017 | 19:21
ՌԴ նախագահի մամուլի խոսնակ Դմիտրի Պեսկովը հայտարարել է, որ Ռուսաստանն իր տարածքում է տեղակայում սեփական զինված ստորաբաժանումները՝ ծավալվող իրավիճակին համապատասխան. փոխանցում է gazeta.ru-ն:
«Ռուսաստանի Դաշնությունն ազատ է փոխել զինված ուժերի կոնֆիգուրացիան իր տարածքում՝ համապատասխան այն բանի, թե որքանով է դա նպատակահարմար»,- ասել է նա՝ ի պատասխան հնչեցված հարցի, թե ճիշտ են լուրերն այն մասին, որ Ուկրաինայի հետ սահմանին ուժեղացվել է ռուսական զորքերի ներկայությունը:
«Ինչ վերաբերում է կոնկրետությանը, ապա ավելի լավ է այդ հարցն ուղղել Պաշտպանության նախարարության գործընկերներին»,- հավելել է Պեսկովը:
Ավելի վաղ Ուկրաինայի ԶՈՒ գլխավոր շտաբի մամուլի ծառայությունը հայտնել էր, որ Ուկրաինայի հետ սահմանին Մոսկվան ուժեղացրել է ռազմական ներկայությունը երեք մոտոհրաձգային դիվիզիաներով :
