Իրանը և ԱՄԷ-ն վիճաբանել են ԲՐԻԿՍ-ի ԱԳ նախարարների հանդիպման ժամանակ

Իրանի արտաքին գործերի նախարար Աբբաս Արաղչին Նյու Դելիում կայացած ԲՐԻԿՍ-ի հանդիպման ժամանակ Արաբական Միացյալ Էմիրություններին մեղադրել է Իրանի դեմ ռազմական գործողություններին անմիջական մասնակցության մեջ՝ սրելով Թեհրանի քննադատությունը տարածաշրջանային պետությունների նկատմամբ։ Արաղչին այս մասին հայտարարել է՝ ի պատասխան Էմիրությունների ներկայացուցչի մեկնաբանությունների և հավելել, որ ինքը խուսափել է իր հիմնական ելույթում ԱՄԷ-ն նշել՝ «միասնության համար»։

«Բայց ճշմարտությունն այն է, որ ԱՄԷ-ն անմիջականորեն ներգրավված էր իմ երկրի դեմ ագրեսիայում։ Երբ սկսվեցին հարձակումները, նրանք նույնիսկ դատապարտող հայտարարություն չարեցին»,- ասել է Իրանի դիվանագիտության ղեկավարը։

Նա Աբու Դաբիին մեղադրել է Իրանի դեմ հարձակումների ժամանակ Միացյալ Նահանգներին և Իսրայելին բազաներ, օդային տարածք, հետախուզական և այլ օբյեկտներ տրամադրելու մեջ։ Արաղչին ասել է, որ Իրանը չի հարձակվել ԱՄԷ-ի վրա, այլ թիրախավորել է ԱՄՆ ռազմական բազաները և օբյեկտները ԱՄԷ-ի տարածքում։ Նա կոչ է արել Աբու Դաբիին վերանայել քաղաքականությունը Իրանի նկատմամբ՝ ասելով, որ ո՛չ ԱՄՆ ռազմական ներկայությունը, ո՛չ էլ Իսրայելի հետ կապերը չեն պաշտպանել իրեն։

Արաղչիի հնչում են  Իրանի, ԱՄՆ-ի և Իսրայելի միջև պատերազմի ֆոնին, որի ընթացքում Թեհրանը հայտարարել է, որ թիրախավորել է ԱՄՆ ռազմական դիրքերը՝ ի պատասխան Իրանի վրա հարձակումների։

Դրանք նաև հաջորդում են այն հաղորդումներին, որ Իսրայելի վարչապետ Բենիամին Նեթանյահուն պատերազմի ժամանակ գաղտնի այցելել է Աբու Դաբի, և որ Իսրայելն ԱՄԷ-ին տրամադրել է ռազմական տեխնիկա։ ԱՄԷ-ն հերքել է այցի մասին հաղորդագրությունները։

Արաղչին իր խոսքում մեջբերել է այդ հաղորդագրությունները՝ ասելով, որ ԱՄԷ-ն դարձել է «ակտիվ գործընկեր այս ագրեսիայում»։

Թարգմանությունը՝ Էմմա Չոբանյանի