17.08.2026 | 11:40
Օդեսայում ռուսական հարձակման հետևանքով նավ է վնասվել. 4 մարդ վիրավորվել է
Իրանն Օմանի ծոցում կալանել է Ocean Koi լցանավը
Քաղաքականություն
08.05.2026 | 16:03
Իրանը Օմանի ծոցում կալանել է Ocean Koi նավթային լցանավը՝ իրանական նավթի արտահանումը խափանելու ենթադրյալ փորձի համար։ Այս մասին հաղորդել են իրանական պետական լրատվամիջոցները՝ վկայակոչելով բանակի հայտարարությունը, գրում է Reuters-ը։
Նշվում է, որ Բարբադոսի դրոշի ներքո նավարկող նավն իրանական նավթ էր տեղափոխում և «փորձում էր վնասել և խափանել նավթի արտահանումը՝ շահագործելով տարածաշրջանային պայմանները»։
«Իրանի Իսլամական Հանրապետության ռազմածովային ուժերը Օմանի ծովում հատուկ ծրագրված գործողության միջոցով առգրավել են Ocean Koi լցանավը»,- ասվում է բանակի հայտարարության մեջ։
Նշվում է, որ նավթը պատկանում է Իրանին։ Նավը, որը փետրվարից ԱՄՆ պատժամիջոցների տակ է, ուղեկցվել է Իրանի հարավային ափ։
Կալանքը տեղի է ունենում Հորմուզի նեղուցում ԱՄՆ-ի և Իրանի ուժերի բախումից հետո, որը կապում է Պարսից ծոցն Օմանի ծոցին։ Իրանը մեծ մասամբ փակել է նեղ ջրային ճանապարհը, որը փետրվարի 28-ին Իրանի դեմ ԱՄՆ-Իսրայել պատերազմի սկսվելուց առաջ տեղափոխում էր աշխարհի նավթի մատակարարումների մոտ մեկ հինգերորդը։
Թարգմանությունը՝ Էմմա Չոբանյանի
