24.10.2026 | 19:14
Վթար Արենի բնակավայրի մոտ. փրկարարները հատուկ տեխնիկայի միջոցով վարորդին դուրս են բերել ավտոմեքենայից
Ալիևի օգնականը Եվրախորհրդարանի բանաձևի` Արցախի հետ կապված հատվածը «դիվանագիտական ամոթ է» անվանել
Քաղաքականություն
01.05.2026 | 20:35
Եվրախորհրդարանի կողմից Ադրբեջանի վերաբերյալ ընդունված բանաձևը կարելի է անվանել «դիվանագիտական ամոթ»։ Այս մասին Ստեփանակերտում ադրբեջանական լրատվամիջոցներին ասել է Ադրբեջանի նախագահի օգնական Հիքմեթ Հաջիևը։
Նա նշել է, թե Եվրախորհրդարանի նման քաղաքականությունը «ցավալի է»։
«Եվրոպական խորհրդարանի կողմից կայացված որոշումները որևէ նշանակություն չունեն Ադրբեջանի Հանրապետության համար։ Ադրբեջանը որևէ պարտավորություն չունի այս կառույցի նկատմամբ։ Եվրոպական խորհրդարանը նաև մանդատ չունի նման հարցերի վերաբերյալ դիրքորոշում հայտնելու»,- ասել է Հաջիևը։
Նրա պնդմամբ՝ այս բանաձևը խոչընդոտներ է ստեղծում Ադրբեջանի և Հայաստանի միջև խաղաղության գործընթացի համար. «Այն ժամանակ, երբ տնտեսական քայլեր են ձեռնարկվում Ադրբեջանի և Հայաստանի միջև խաղաղությունը խթանելու համար, նման որոշման ընդունումն Ադրբեջանի փոխվարչապետի Հայաստան կատարած այցից մեկ օր անց ոչ այլ ինչ է, քան դիվանագիտական ամոթ»:
Հաջիևը հայտարարել է, թե այս քայլերը կարող են դիտարկվել որպես ապակառուցողական, սադրիչ և տարածաշրջանը կրկին պատերազմի մեջ ներքաշե լու փորձ։
Ավելի վաղ ԵԽ-ի բանաձևում Արցախի հիշատակման պատճառով Բաքվում ԵՄ դեսպանն Ադրբեջանի ԱԳՆ էր կանչվել։ Նրան բողոքի նոտա էր հանձնվել։
Բացի այդ, Ադրբեջանի Մեջլիսը հայտարարել է, որ դադարեցնում է համագործակցությունը Եվրախորհրդարանի հետ։
Թարգմանությունը՝ Էմմա Չոբանյանի
