17.08.2026 | 10:34
ՊԵԿ նախկին պաշտոնյայից պահանջվում է բռնագանձել անշարժ գույք, մեքենաներ և ավելի քան 194 մլն դրամ
Ադրբեջանի Մեջլիսը դադարեցնում է համագործակցությունը Եվրախորհրդարանի հետ
Քաղաքականություն
01.05.2026 | 12:24
Ադրբեջանի Միլլի Մեջլիսը Եվրախորհրդարանի «հակաադրբեջանական գործունեության» վերաբերյալ բանաձև է ընդունել։ Փաստաթուղթը ընթերցել է փոխխոսնակ Զիյաֆաթ Ասկերովը, հաղորդում են ադրբեջանական լրատվամիջոցները։
Որոշման համաձայն՝ Միլլի Մեջլիսի համագործակցությունը Եվրոպական խորհրդարանի հետ բոլոր ոլորտներում կասեցվում է։ Խորհրդարանի մասնակցությունը Եվրամիություն-Ադրբեջան խորհրդարանական համագործակցության հանձնաժողովի գործունեությանը դադարեցվում է։
«Եվրանեսթ» Խորհրդարանական վեհաժողովի կանոնադրության համաձայն՝ սկսվում է Միլլի Մեջլիսի՝ այս կազմակերպությանն անդամակցության դադարեցման ընթացակարգային կանոնների կիրառումը, այդ ընթացքում Միլլի Մեջլիսի պատվիրակությունը չի մասնակցի «Եվրանեսթ» Խորհրդարանական վեհաժողովի միջոցառումներին։
Ավելի վաղ ԵԽ-ի բանաձևում Արցախի հիշատակման պատճառով Բաքվում ԵՄ դեսպանն Ադրբեջանի ԱԳՆ էր կանչվել։ Նրան բողոքի նոտա էր հանձնվել։
Թարգմանությունը՝ Էմմա Չոբանյանի
