12.10.2026 | 15:44
Մինչև նախաքննական փուլը չավարտվի, չարժի սրա մեջ մտնել․ Սասուն Միքայելյանը՝ Շաքիի դեպքի մասին․ ՏԵՍԱՆՅՈՒԹ
Լենա Նազարյանը պնդում է՝ աշխատավարձերի բարձրացում եղել է. ՏԵՍԱՆՅՈՒԹ
Տնտեսություն
21.11.2018 | 18:55
Ոչ բոլոր պետական մարմիններում, բայց աշխատավարձերի բարձրացում եղել է: Այսօր՝ նոյեմբերի 21-ին, ՀՀ Ազգային ժողովում լրագրողների հետ զրույցում նման պնդմամբ հանդես եկավ «Ելք» խմբակցության ղեկավար Լենա Նազարյանը՝ պատասխանելով ՀՀԿ-ի կողմից հնչած քննադատությանը, թե Նիկոլ Փաշինյանի կառավարությունը չի կատարել խոստումները:
«Մասնավորապես, բուժաշխատողների աշխատավարձերի բարձրացում եղել է: Իհարկե՝ ես անձամբ չեմ կարծում, որ այդ չափի բարձրացումը որակական փոփոխություն է, բայց, այնուամենայնիվ, դա քայլ է, որ արվել է կառավարության կողմից: Նման քայլեր կլինեն նաև պետական այլ ծառայողների, ուսուցիչների, իրավապահ մարմինների աշխատակիցների աշխատավարձերի մասով»,- հավելեց նա:
Ինչ վերաբերում է տեսախցիկներին և կարմիր գծերին, ապա վերջինի մասով, ըստ Լենա Նազարյանի, հարցը քաղաքապետարանի լիազորությունների շրջանակում է: Իսկ տեսախցիկները, նրա խոսքով, չեն կարող ամբողջությամբ հանվել. «Խնդիրն այն չէ, որ ամբողջությամբ վերացնենք տեսախցիկների աշխատանքը, այլ պարզապես այնպես կազմակերպենք, որ դրանից քաղաքացիները ոչ թե տուժեն կամ հարստահարվեն, այլ ընդամենը պաշտպանվի նրանց անվտանգությունը»։
Մանրամասները՝ տեսանյութում:
