02.07.2026 | 13:00
Ի՞նչ քայլեր կանի ԵՄ-ն, եթե ՌԴ-ն թանկացնի ՀՀ մատակարարվող գազը՝ ֆոն դեր Լայենը պարզաբանեց․ ՏԵՍԱՆՅՈՒԹ
Երկու փոխվարչապետերի այցերը պատմական են. Փաշինյանը` Մուստաֆաևի այցի մասին․ ՏԵՍԱՆՅՈՒԹ
Քաղաքականություն
30.04.2026 | 13:27
«Երկու երկրների փոխվարչապետների այցերը պատմական եմ համարում՝ խաղաղության գործընթացի և ինստիտուցիոնալացման տրամաբանության մեջ»,- հայտարարել է վարչապետ Նիկոլ Փաշինյանը՝ պատասխանելով Ադրբեջանի փոխվարչապետ Շահին Մուստաֆաևի՝ Երևան կատարած այցի վերաբերյալ հարցին։
Անդրադառնալով այն դիտարկմանը, թե ինչու է այցը գաղտնի պահվել հանրությունից, Փաշինյանը նշել է, որ խոսքը ոչ թե գաղտնիության, այլ անվտանգության նկատառումներով պայմանավորված կոնֆիդենցիալության մասին է։ Նրա խոսքով՝ նույն կանոնները պահպանվել են նաև ՀՀ փոխվարչապետի՝ Բաքու կատարած այցերի ժամանակ։
Նիկոլ Փաշինյանը վերահաստատել է Հայաստանի ռազմավարական նպատակը՝ Ադրբեջանի հետ հաստատել բնականոն, բարիդրացիական հարաբերություններ և ամրապնդել խաղաղությունը։
Հիշեցնենք, որ նախօրեին Աղվերանում տեղի է ունեցել հայ-ադրբեջանական սահմանազատման հանձնաժողովների 13-րդ հանդիպումը, որի ընթացքում կողմերը համաձայնեցրել և փոխանակել են սահմանազատման աշխատանքների կազմակերպման, քարտեզի ստեղծման և փաստաթղթերի ձևակերպման կարգերին վերաբերող ուղեցույցների նախագծերը։ ՀՀ ԱԳՆ-ից հայտնել են, որ հանդիպմանը նաև քննարկվել են բեռնափոխադրումների, նավթամթերքի մատակարարման և առևտրատնտեսական համագործակցության հարցեր։
Մանրամասները՝ տեսանյութում։
