17.08.2026 | 11:31
ՊԵԿ-ը բացահայտել է 3.4 մլրդ դրամի կեղծ հարկային հաշիվների շրջանառության սխեմա
Իսրայելի հարվածների հետևանքով Լիբանանում 14 մարդ է զոհվել
Քաղաքականություն
27.04.2026 | 11:54
Հարավային Լիբանանին Իսրայելի հասցրած հարվածների հետևանքով զոհվել է առնվազն 14 մարդ, հայտնել է երկրի Առողջապահության նախարարությունը։ Սա Իսրայել-Հըզբոլլահ պատերազմում հրադադարի հաստատումից ի վեր ամենամահաբեր օրն է, գրում է DW-ն։
Զոհվածների թվում են երկու կին և երկու երեխա։ Եվս 37 մարդ վիրավորվել է։
Լիբանանի պետական Ազգային լրատվական գործակալությունը (NNA) հաղորդել է կիրակի Իսրայելի կողմից հարավում մի քանի վայրերում հասցված հարվածների մասին։ Ավելի վաղ Իսրայելը մի շարք շրջաններից տարհանման նախազգուշացում էր տվել։
Իսրայելը և Իրանի կողմից աջակցվող լիբանանյան «Հըզբոլլահ» խմբավորումը միմյանց մեղադրել են փխրուն հրադադարի ռեժիմը խախտելու մեջ։ Իսրայելի վարչապետ Բենիամին Նեթանյահուն հայտարարել է, որ զինվորականներն «ուժեղ» թիրախավորում են «Հըզբոլլահ»-ին, մինչդեռ զինյալ խմբավորումը խոստացել է շարունակել արձագանքել «խախտումներին»։
Իսրայելի զինվորականները բազմիցս հարվածներ են հասցրել Լիբանանին ապրիլի 17-ին կնքված ժամանակավոր հրադադարից ի վեր։ Հինգշաբթի հրադադարը երկարաձգվել էր երեք շաբաթով։
Կիրակի ավելի վաղ «Հըզբոլլահը» հայտարարել էր, որ հարձակվել է Լիբանանի ներսում գտնվող իսրայելական զորքերի, ինչպես նաև նրանց տարհանելու համար եկած փրկարարական ուժերի վրա։ Իսրայելի բանակը հայտնել էր, որ մեկ զինվոր զոհվել է, վեցը՝ վիրավորվել։
Թարգմանությունը՝ Էմմա Չոբանյանի
