24.04.2026 | 14:53
Կիսում եմ անցյալում հայ համայնքի ապրած ցավը. Էրդողանը կրկին «ցեղասպանություն» եզրույթը չի օգտագործել
Մի խաթարեք մեր ապրումները. Գարեգին Բ-ն չցանկացավ մեկնաբանել իր հասցեին մեղադրանքների թեման․ ՏԵՍԱՆՅՈՒԹ
Քաղաքականություն
24.04.2026 | 12:27
Սրբոց նահատակաց նվիրական այս օրը մենք մեր եկեղեցականաց հետ աղոթք առ Աստված բարձրացրեցինք հայցով, որ Տերը իր շնորհը, սերը և խաղաղությունը հղի մեր ժողովրդի կյանքին, որպեսզի ազգս հայոց սիրով, միաբան, համերաշխ և ոգով աննկուն դիմագրավի իր կյանքի բոլոր փորձությունները և մեր հայրերի լույս պատվիրաններով ու պատգամներով կերտի իր բարեշեն, իր առաջընթաց ու հզոր կյանքը՝ խաղաղության և անվտանգության պայմաններում: Այս մասին Ծիծեռնակաբերդում լրագրողների հետ զրույցում նշեց Գարեգին Բ կաթողիկոսը։
Նա հուշահամալիր էր եկել եկեղեցականների և «Ուժեղ Հայաստան» կուսակցության անդամների, այդ թվում՝ Նարեկ Կարապետյանի ուղեկցությամբ․ «Մեր հայցն ու աղոթքն ենք առ Աստված բարձրացնում, որ Տերը մշտապես օգնական ու պահապան լինի ազգիս հայոց՝ ի Հայաստան և ի սփյուռս: Ամեն։ Աստված օրհնի մեզ ամենքիս»:
Կաթողիկոսը հրաժարվեց լրագրողների հարցերին պատասխանել, նրան ուղեկցողները փորձում էին ճանապարհ բացել, որպեսզի Գարեգին Բ-ն կարողանա հեռանալ։
«Ես այլ առիթներով ասել եմ և նորից կրկնում եմ՝ մի խաթարեք օրվա խորհուրդը և մեր ապրումները»,-նշեց նա ու հեռացավ հուշահամալիրի տարածքից։
Մանրամասները՝ տեսանյութում։
