17.08.2026 | 15:55
Շիրակի մարզի 6 քարհանքից գողություններ կատարելու կասկածանքով երկու տղամարդ է ձերբակալվել
ԵԱ․ Պայքարը սկսում են ազատ ոճի ըմբիշները
24.04.2026 | 10:10
Ալբանիայի մայրաքաղաք Տիրանայում ապրիլի 24-ին մեկնարկում է ազատ ոճի ըմբշամարտի Եվրոպայի առաջնությունը, որին Հայաստանի հավաքականը կմասնակցի 8 ըմբիշով։ Առաջին մրցումային օրը պայքարի մեջ կմտնեն Մանվել Խնձրցյանը (57 կգ), Վազգեն Թևանյանը (65 կգ), Դավիթ Մարգարյանը (70 կգ) և Հրայր Ալիխանյանը (79 կգ)։
Մանվել Խնձրցյանը պայքարը կսկսի որակավորման փուլից ու կմրցի գերմանացի Հորսթ Լեռի հետ:
Վազգեն Թևանյանը որակավորման փուլում ուժերը կչափի Ֆրանսիայի ներկայացուցիչ Խամզատ Արսամերզուևի հետ:
Դավիթ Մարգարյանը կմեկնարկի ուկրաինացի Ալեքսանդր Բորուտայի հետ գոտեմարտով:
Հրայր Ալիխանյանը որակավորման փուլում կգոտեմարտի ռուսաստանցի Ախմեդ Ուսմանովի հետ:
Հայաստանի հավաքականի կազմում մրցավայր են մեկնել նաև Արսեն Հարությունյանը (61 կգ), Նարեկ Հարությունյանը (74 կգ), Մուշեղ Մկրտչյանը (92 կգ) և Խաչատուր Խաչատրյանը (125 կգ), որոնք պայքարը կսկսեն ապրիլի 25-ին։
Հիշեցնենք, որ հունահռոմեական ոճի ըմբշամարտի Հայաստանի հավաքականը Եվրոպայի առաջնությանը մասնակցել էր 10 ըմբիշով և նվաճել 1 ոսկե, 1 արծաթե ու 3 բրոնզե մեդալ։ Մալխաս Ամոյանը (77 կգ) 5-րդ տարին անընդմեջ դարձել էր Եվրոպայի չեմպիոն, մեծահասակների պայքարում նորամուտը նշած Սուրեն Աղաջանյանն (60 կգ) արժանացել էր արծաթե մեդալի, իսկ Կարեն Ասլանյանը (63 կգ), Սլավիկ Գալստյանը (67 կգ) և Գասպար Տերտերյանը (72 կգ) դարձել էին բրոնզե մեդալակիր։ կգ):
