06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
ԱՄՆ զինված ուժերը հայտարարել են Հնդկական օվկիանոսում ևս մեկ նավ կալանելու մասին
Քաղաքականություն
23.04.2026 | 20:26
ԱՄՆ զինված ուժերը Հնդկական օվկիանոսում իրանական նավթի մաքսանենգության մեջ մեղադրվող ևս մեկ լցանավ են առգրավել՝ իրանական նավահանգիստների ամերիկյան շրջափակման ժամանակ, գրում է DW-ն։
Դեպքը տեղի է ունեցել մեկ օր անց այն բանից հետո, երբ Իրանի Իսլամական հեղափոխության պահապանների կորպուսը հայտարարեց, որ Հորմուզի նեղուցի մոտ երկու նավ է առգրավել։ Դա, իր հերթին, պատասխան էր ԱՄՆ ուժերի կողմից Բենգալյան ծոցում՝ Հնդկաստանի և Հարավարևելյան Ասիայի միջև նավի կալանման։
ԱՄՆ Պատերազմի նախարարությունը հայտարարել է, որ գիշերը ամերիկացի զինվորականները Հնդկական օվկիանոսում բարձրացել են Իրանից նավթ տեղափոխող «պատժամիջոցների տակ գտնվող պետություն չունեցող նավ»։
«Մենք կշարունակենք համաշխարհային ծովային հսկողությունը՝ խափանելու անօրինական ցանցերը և արգելելու Իրանին նյութական աջակցություն ցուցաբերող նավերի երթևեկը, որտեղ էլ դրանք գործեն»,- ասվում է հաղորդագրությունում։
Նավերի հետևման տվյալները ցույց են տվել, որ Majestic X նավթատարը գտնվում է Հնդկական օվկիանոսում՝ Շրի Լանկայի և Ինդոնեզիայի միջև, մոտավորապես նույն վայրում, ինչ Tifani նավթատարը, որը նախկինում առգրավվել էր ամերիկյան ուժերի կողմից։
Նավը, ըստ տեղեկությունների, ուղևորվում էր դեպի Չինաստանի Զուշան քաղաք։
Թարգմանությունը՝ Էմմա Չոբանյանի
