10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Թրամփն ԱՄՆ ռազմածովային ուժերին հրահանգել է կրակ բացել Հորմուզի նեղուցն ականապատող իրանական նավերի վրա
Քաղաքականություն
23.04.2026 | 18:37
ԱՄՆ նախագահ Դոնալդ Թրամփն ԱՄՆ ռազմածովային ուժերին հրահանգել է կրակ բացել Հորմուզի նեղուցն ականապատող իրանական ցանկացած նավի վրա, գրում է CNN-ը։
«Ես հրամայել եմ ԱՄՆ ռազմածովային ուժերին ոչնչացնել ցանկացած նավ, նույնիսկ փոքր նավակներ (նրանց ռազմածովային նավերը, բոլոր 159-ը գտնվում են ծովի հատակում), որոնք ականապատում են Հորմուզի նեղուցի ջրերը։ Տատանվելու կարիք չկա»,- գրել է Թրամփը սոցիալական ցանցերում։
Միևնույն ժամանակ, Թրամփը նշել է, որ Միացյալ Նահանգներն աշխատանքներ է տանում նեղուցն ականազերծելու ուղղությամբ։
«Բացի այդ, մեր ականազերծող աշխատակազմը հենց հիմա մաքրում է նեղուցը։ Ես հրամայել եմ շարունակել այդ գործունեությունը, բայց եռապատկված մակարդակով»,- ասել է Թրամփը։
Անցյալ ամիս նույնպես Սպիտակ տան ղեկավարը հայտարարել էր, որ ԱՄՆ զինված ուժերը կհարձակվեն ականապատող ցանկացած նավի վրա։ Այս հարցը կրկին ուշադրության կենտրոնում է հայտնվել, քանի որ Թրամփը բանակցում է՝ ինչպես կազմակերպել նավարկությունը նեղուցով, քանի որ համաշխարհային տնտեսական ճնշումները մեծանում են։
Թրամփը և ԱՄՆ պատերազմի նախարար Փիթ Հեգսեթը բազմիցս հայտարարել են, որ Իրանի ռազմածովային ուժերը, որը գնահատվում է մոտ 150 նավ, ոչնչացվել են։ Սակայն CNN-ը նախկինում հաղորդել էր, որ Իրանի Իսլամական հեղափոխության պահապանների կորպուսը պահպանում է այնպիսի ակտիվներ, ինչպիսիք են փոքր նավակները։
Թարգմանությունը՝ Էմմա Չոբանյանի
