17.08.2026 | 15:44
ՌԴ-ում քրգործ է հարուցվել «Դոժդ»-ի հիմնադիր Նատալյա Սինդեևայի դեմ՝ «անցանկալի» կազմակերպություն հիմնելու համար
Իրանի աքսորյալ թագաժառանգ Ռեզա Փահլավիի վրա Բեռլինում կարմիր հեղուկ են ցողել. ՏԵՍԱՆՅՈՒԹ
Քաղաքականություն
23.04.2026 | 18:20
Իրանի վերջին շահի աքսորյալ որդու՝ Ռեզա Փահլավիի վրա Գերմանիա կատարած այցի ժամանակ կարմիր ներկ են ցողել, երբ մի ակտիվիստ նրան հակադարձել է Իրանի պատերազմի վերաբերյալ նրա դիրքորոշման համար։ Բեռլինի կենտրոնում մամուլի ասուլիսից հետո անվտանգության աշխատակիցների հետ սպասող մեքենային մոտենալիս ակտիվիստը կարմիր հեղուկ է ցողել Փահլավիի վրա։
Ոստիկանությունը ձերբակալել է կասկածյալին, Փահլավին նստել է իրեն սպասող մեքենան և հեռացել։
«Եթե կարծում եք, որ կարող եք հաշտվել այս ռեժիմի հետ, չարաչար սխալվում եք։ Եվրոպան կանգնած է ընտրության առաջ՝ մեզ բոլորիս վտանգող մեռնող ռեժիմի և ազատ Իրանի միջև։ Ռեժիմը երբեք այսքան փխրուն չի եղել, որքան հիմա է։ Այն վիրավոր գազան է»,- ասել է նա Բեռլինում կայացած մամուլի ասուլիսի ժամանակ։
Փահլավիի խոսքով՝ Իրանի ներկայիս առաջնորդների մեջ պրագմատիկներ կամ բարեփոխիչներ չկան, նրանք պարզապես «ռեժիմի տարբեր դեմքերն» են։ Պնդելով, որ վերջին երկու շաբաթների ընթացքում Իրանի իշխանությունները մահապատժի են ենթարկել 19 քաղբանտարկյալների, նա հարց է բարձրացրել՝ «ազատ աշխարհն ինչ-որ բան կանի՞, թե՞ լուռ կդիտի կոտորածը»։
Նախկին թագաժառանգն իրեն ներկայացրել է որպես մեկը, որը կարող է առաջնորդել ժողովրդավարական անցումը, եթե Իրանի ղեկավարությունը տապալվի։
Թարգմանությունը՝ Էմմա Չոբանյանի
