27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Դավիթ Նալբանդյան․ Դեռ վաղ է Ալկարասին ու Սիներին համեմատել «Մեծ եռյակի» հետ
23.04.2026 | 14:20
Աշխարհի նախկին երրորդ ռակետ, հայկական արմատներով արգենտինացի անվանի թենիսիստ Դավիթ Նալբանդյանը կոչ է արել չշտապել է իտալացի Յանիկ Սիներին ու իսպանացի Կառլոս Ալկարասին «Մեծ եռյակի» հետ համեմատելու հարցում։ Թենիսում «Մեծ եռյակ» անվանում են սերբ Նովակ Ջոկովիչին, իսպանացի Ռաֆայել Նադալին և շվեյցարացի Ռոջեր Ֆեդերերին։ Երեքն էլ համարվում են թենիսի պատմության մեծագույն խաղացողներից։
«Ընդօրինակե՞լ «Մեծ եռյակին»․ նրանք պետք է շարունակեն նույն տեմպով 10-15 տարի։ Ալկարասն ու Սիներն ունեն ներուժ, գլխավորը այն ժամանակի ընթացքում պահպանելն է։ Մոտիվացիա, վնասվածքներ, նոր սերունդներ… Հիմա նրանք գերազանցում են մյուսներին, բայց եթե երեք կամ չորս տարի հետո նրանց նման մեկը հայտնվի, տիտղոսները կսկսեն բաշխվել տարբեր խաղացողների միջև։ Այս երեք հսկաների գրանցած թվերը հսկայական են»,- նախկին թենիսիստի խոսքը մեջբերում է Punto de Break-ը։
Հիշեցնենք, որ «Մեծ սաղավարտի» տիտղոսների քանակով (24) ռեկորդակիր 38-ամյա Ջոկովիչը դեռ մասնակցում է մրցումների, իսկ Ռոջեր Ֆեդերերն ու Ռաֆայել Նադալն ավարտել են կարիերան։
Դավիթ Նալբանդյանը կարիերան ավարտել է 2013-ին։ Նա «Մասթերսների» եռակի հաղթող է։
