10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Իրանցի պաշտոնյան հայտարարել է, որ Թեհրանն առաջին եկամուտն է ստացել Հորմուզի նեղուցի վճարներից
Քաղաքականություն
23.04.2026 | 15:02
Իրանի խորհրդարանի փոխխոսնակ Համիդռեզա Հաջիբաբային հայտարարել է, որ Թեհրանը ստացել է առաջին եկամուտը ռազմավարական նշանակություն ունեցող Հորմուզի նեղուցում ԱՄՆ-ի և Իսրայելի հետ պատերազմի ընթացքում սահմանված վճարներից, գրում է France 24-ը։
«Հորմուզի նեղուցի վճարներից ստացված առաջին եկամուտը մուտքագրվել է Կենտրոնական բանկի հաշվին»,- ասել է Հաջիբաբային, փոխանցում է Tasnim լրատվական գործակալությունը։
Այլ մանրամասներ չեն հաղորդվում։
Իրանի դեմ ԱՄՆ-ի և Իսրայելի ռազմական գործողության սկսվելուց հետո Թեհրանը հայտարարել էր Հորմուզի նեղուցում առևտուրը դադարեցնելու մասին: Ռազմական գործողություններից առաջ աշխարհի նավթի և նավթամթերքի շուրջ 20%-ը և հեղուկ բնական գազի ավելի քան 30%-ն անցնում էին այս նեղուցով:
Մարտի 22-ին Իրանը հայտարարել էր, որ Հորմուզի նեղուցով տարանցման համար նավերից կսկսի գանձել 2 միլիոն դոլար։ Մարտի 20-ին Lloyd’s List-ն էր հաղորդել, որ Իրանը վճար է սահմանել Հորմուզի նեղուցով տարանցման համար: Նշվում էր, որ հաստատված փոխադրողների համար ստեղծվել է «անվտանգ միջանցք», և օպերատորներից մեկը վճարել է շուրջ 2 միլիոն դոլար տարանցման համար:
Թարգմանությունը՝ Էմմա Չոբանյանի
