28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Ավագանու նիստի 51 հարցերից զեկուցվող է միայն 2-ը
Քաղաքականություն
20.04.2026 | 20:25
Երևանի ավագանու ապրիլի 21-ի հերթական նիստում այս պահի դրությամբ ընդգրկված է 51 հարց, որոնցից զեկուցվող է միայն երկուսը։
Factor TV-ն տեղեկանում է, որ զեկուցվող հարցերից մեկը վերաբերում է մայրաքաղաքի 2026 թվականի բյուջեում փոփոխություններ կատարելուն։ Նախագծով առաջարկվում է փոփոխություններ կատարել բյուջեի մի շարք հավելվածներում։ Փոփոխությունների արդյունքում նախատեսվում է լրացուցիչ ֆինանսավորում ուղղել քաղաքային ենթակառուցվածքների զարգացմանը։
Ըստ նախագծի հիմնավորման՝ ՀՀ կառավարության 2026 թվականի ապրիլի 9-ի N 471-Ն որոշմամբ նախատեսվում է ավելացնել Երևանի բյուջեի եկամտային մասը՝ 172 միլիոն 608 հազար 200 դրամով։ Գումարը տրամադրվելու է պետության կողմից Երևանի քաղաքապետին պատվիրակված լիազորությունների իրականացման շրջանակում։
Նախատեսվում է, որ այս միջոցները կուղղվեն Հրազդանի կիրճի տարածքում բազմաֆունկցիոնալ հանգստի գոտու կառուցմանը։ Խոսքը վերաբերում է Աթենքի փողոցին հարող հատվածին՝ կիրճի սկզբնամասից մոտ 5.5 կիլոմետր հեռավորության վրա։
Հաջորդ զեկուցվող հարցը վերաբերում է փողոցի անվանափոխությանը։ «Ազգային առաջընթաց» խմբակցության անդամ Հայկ Գրիգորյանն առաջարկում է Կենտրոն վարչական շրջանում գտնվող Արսեն Ամիրյան փողոցն անվանափոխել Պապ թագավորի անվամբ՝ «Պապ թագավորի փողոց»։ Փողոցը սկսվում է Հանրապետության հրապարակից և ձգվում մինչև Սարյան փողոց։
Նախաձեռնության հեղինակ Գրիգորյանը հիմնավորում է, որ Պապ թագավորը հայոց պատմության նշանավոր դեմքերից է, որի կառավարման տարիներին ամրապնդվել է պետականությունը։
Արփի Հակոբյան
