27.07.2026 | 15:58
Լիտվան ցանկանում է երկրում ելույթ ունեցող ռուս արտիստներին պարտավորեցնել՝ հակապատերազմական հռչակագիր ստորագրեն
ՀՀ դեսպանն իր հավատարմագրերն է հանձնել Էրիթրեայի նախագահին
Քաղաքականություն
20.04.2026 | 19:38
Ապրիլի 17-ին Էրիթրեայի Պետությունում ՀՀ դեսպան Արմեն Սարգսյանը (նստավայրը՝ ք․ Կահիրե) մայրաքաղաք Ասմարայի նախագահական նստավայրում իր հավատարմագրերն է հանձնել Էրիթրեայի նախագահ Իսայաս Աֆվերկիին։ Այս մասին տեղեկացնում են ՀՀ ԱԳՆ-ից:
«Հավատարմագրերի հանձնման արարողությանը հաջորդած առանձնազրույցի ընթացքում դեսպան Սարգսյանն Էրիթրեայի նախագահին է փոխանցել ՀՀ նախագահի ջերմ ողջույններն ու բարեմաղթանքները՝ հայտնելով Հայաստանի պատրաստակամությունը՝ Էրիթրեայի հետ երկկողմ հարաբերությունների զարգացման, երկու երկրների միջև բազմոլորտ օրակարգի ձևավորման կապակցությամբ։
Դեսպանին մաղթելով հաջողություն իր նոր առաքելության մեջ` Նախագահ Իսայաս Աֆվերկին ողջունել է Էրիթրեայի Պետությունում Հայաստանի Հանրապետության առաջին դեսպանի հավատարմագրման՝ Հայաստանի կառավարության բարեկամական որոշումն ու նշել, որ դիվանագիտական առաքելության մեկնարկը կարևոր և նշանակալի սկիզբ է միջպետական փոխգործակցության ձևավորման, ինչպես նաև երկու երկրների ժողովուրդների միջև բարեկամական հարաբերությունների զարգացման գործում»,- ասվում է հաղորդագրությունում։
