05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
Թուրքիայում ԻԼԻՊ-ի հետ կապերի կասկածանքով 90 անձ է ձերբակալվել
Քաղաքականություն
20.04.2026 | 22:35
Թուրքիայում 90 անձ է ձերբակալվել, որոնք կասկածվում են «Իսլամական պետություն» ջիհադիստական խմբավորման հետ կապերի մեջ՝ Ստամբուլում Իսրայելի հյուպատոսության մոտ տեղի ունեցած մահացու փոխհրաձգությունից երկու շաբաթ անց։ Ապրիլի 7-ի հարձակումից հետո, ընդհանուր առմամբ, 198 մարդ է ձերբակալվել ԻԼԻՊ-ի դեմ ազգային լայնածավալ գործողությունների շրջանակում։
Ներքին գործերի նախարարությունը հայտարարել է, որ Թուրքիայի 81 նահանգներից 24-ում ձերբակալված մյուս 90 կասկածյալների թվում են «ահաբեկչական կազմակերպության անդամներ, մարդիկ, որոնք ներգրավված են դրա ֆինանսավորման մեջ, և անձինք, որոնք կասկածվում են քարոզչություն տարածելու մեջ»։
Իշխանությունները պաշտոնապես չեն կապել այս ձերբակալությունները Իսրայելի հյուպատոսության մոտ տեղի ունեցած փոխհրաձգության հետ, որի ժամանակ վիրավորվել էր երկու ոստիկան։
Երեք զինված անձանցից մեկը, որը սպանվել է ոստիկանության կողմից, կապված էր «կրոնը գործիքավորող ահաբեկչական կազմակերպության հետ», հայտարարել էին իշխանությունները՝ առանց նշելու ԻԼԻՊ-ը։
Դեկտեմբերի վերջին Յալովա նահանգի հյուսիս-արևմուտքում ԻԼԻՊ-ի դեմ գործողության ժամանակ սպանվել էին երեք թուրք ոստիկաններ։ Մի քանի ժամ տևած բախումների ժամանակ սպանվել էին նաև վեց կասկածյալներ, որոնք բոլորը Թուրքիայի քաղաքացիներ էին։
Թարգմանությունը՝ Էմմա Չոբանյանի
