27.07.2026 | 15:58
Լիտվան ցանկանում է երկրում ելույթ ունեցող ռուս արտիստներին պարտավորեցնել՝ հակապատերազմական հռչակագիր ստորագրեն
Ռուսական ԱԹՍ-ների հարձակումից վիրավորվել է Ուկրաինայի պաշտպանության նախարարի խորհրդականը
Քաղաքականություն
20.04.2026 | 14:05
Ուկրաինայի պաշտպանության նախարարի խորհրդական Սերգեյ Բեսկրեստնովը վիրավորվել է անօդաչու թռչող սարքի հարձակման հետևանքով, գրում է BBC-ի ռուսական ծառայությունը։
Ռուսական չորս «Շահեդ» անօդաչուներ են արձակվել Ուկրաինայի պաշտպանության նախարարի խորհրդական և ռադիոտեխնոլոգիաների մասնագետ Սերգեյ Բեսկրեստնովի տան վրա, որը հայտնի է «Ֆլեշ» անվամբ։ Այդ մասին նա հայտնել է ֆեյսբուքյան գրառմամբ։
«Ռուսներն այսօր գիշեր փորձեցին սպանել ինձ։ Մեկ ուղղորդվող «Շահեդ» թռել և բախվել է իմ տան պատին։ Ես այլևս տուն չունեմ։ Գլխավորն այն է, որ ես հրաշքով ողջ եմ»,- գրել է նա։
Բեսկրեստնովը նաև հիվանդանոցից սելֆի է հրապարակել։
Ավելի վաղ Կիևի տարածաշրջանային ռազմական վարչակազմի ղեկավար Նիկոլայ Կալաշնիկը հայտնել էր, որ գիշերը տարածաշրջանի վրա տեղի ունեցած հարձակման հետևանքով մեկ տուժած կա՝ 1974 թվականին ծնված տղամարդ, որի վիճակը բժիշկները գնահատում են կայուն։
Թարգմանությունը՝ Էմմա Չոբանյանի
