06.10.2026 | 09:45
Մեղրիում հրդեհ է բռնկվել երկհարկանի տանը․ այրվել է շուրջ 200 քմ տարածք
Իրանն ԱԹՍ-ներով հարվածներ է հասցրել ամերիկյան ռազմանավերին
Քաղաքականություն
20.04.2026 | 12:27
Իրանական ուժերն անօդաչու թռչող սարքերով հարվածներ են հասցրել մի քանի ամերիկյան նավերի՝ ի պատասխան Օմանի ծոցում ԱՄՆ ուժերի կողմից իրանական Touska բեռնատար նավի վրա կրակ բացելուն և դրա երթևեկությունը խափանելուն, հաղորդում է Tasnim լրատվական գործակալությունը։
Բացի այդ, հայտարարվել է, որ Միացյալ Նահանգների կողմից Իրանի ծովային շրջափակման մասին հայտարարությանը զուգահեռ՝ Իրանը նաև ամբողջությամբ փակել է Հորմուզի նեղուցը, և ցանկացած նավ կամ լցանավ, որը կանցնի տարածաշրջանով առանց Իրանի թույլտվության, կպատժվի իրանական ուժերի կողմից։
ԱՄՆ նախագահ Դոնալդ Թրամփը հայտարարել էր, որ ԱՄՆ զինված ուժերը կիրակի գրավել են իրանական դրոշի ներքո նավարկող բեռնատար նավը, որը փորձում էր խուսափել ԱՄՆ ռազմածովային շրջափակումից Հորմուզի նեղուցի մոտ։ Նա հավելել է, որ ԱՄՆ ծովային հետևակայիններն առգրավել են Touska անունով նավը։ Նավի առգրավումը հաստատել է նաև Մերձավոր Արևելքում ԱՄՆ կենտրոնական հրամանատարությունը (CENTCOM):
Թարգմանությունը՝ Էմմա Չոբանյանի
