18.04.2026 | 16:43
ԱՄՀ-ն և Հայաստանը համաձայնության են եկել «Պահուստային ծրագրի» առաջին ստուգման արդյունքների վերաբերյալ
Հնարավոր է հրապարակումը մնա ընտրություններից հետո․ Փաշինյանը՝ Սահմանադրության տեքստի մասին․ ՏԵՍԱՆՅՈՒԹ
Քաղաքականություն
18.04.2026 | 14:18
ՀՀ վարչապետ Նիկոլ Փաշինյանը հայտարարել է, որ Սահմանադրության տեքստի հետ կապված որոշակի բանավեճ կա կառավարական և քաղաքական թիմում։ Նրա խոսքով՝ հրապարակմանը կողմ է, սակայն պետական կառավարման համակարգի հետ կապված մի քանի կարևոր և սկզբունքային նյուանսներ կան։
«Սահմանադրության տեքստին, բնականաբար, ծանոթ եմ, ես ինքս էլ այդ տեքստի վրա աշխատել եմ որոշակիորեն։ Եվ ես չեմ ուզում, որ մենք հրապարակենք թուղթը առանց այդ բանավեճերը հասցեագրելու, այսինքն՝ աշխատանքային մակարդակով։ Բայց, ցավոք, նախընտրական շրջանը գնալով ավելի ու ավելի արագ տեմպերով մոտենում է, և մենք պլանավորում ենք մինչև այդ փորձենք քննարկել և այդ հարցերը հասցեագրել։ Բայց եթե չհասցնենք հասցեագրել, հրապարակումը կմնա ընտրություններից հետո»,- ասաց Փաշինյանը։
Հարցին՝ արդյո՞ք Հայաստանը Մոսկվայից զենք գնելու պայմանավորվածություն ունի, Փաշինյանն արձագանքեց․ «Մենք ռազմատեխնիկական համագործակցություն ունենք, ունեցել ենք, որը ինչ-որ մի ժամանակ էականորեն կամ ընդհատվել էր, կամ քչացել էր։ Եվ մենք, այո, ունենք պայմանավորվածություն, որ նախկինում ձեռք բերված պայմանավորվածությունները իրագործենք»։
Մանրամասները՝ տեսանյութում։
