05.06.2026 | 11:29
Տիրան Խաչատրյանի նկատմամբ հանրային քրեական հետապնդում է հարուցվել
ՀՀ ԱԳ փոխնախարարը Մոսկվայում մասնակցել է ԱՊՀ ԱԳ նախարարների խորհրդի նիստին
Քաղաքականություն
17.04.2026 | 22:25
Ապրիլի 17-ին Մոսկվայում ՀՀ ԱԳ նախարարի տեղակալ Մնացական Սաֆարյանը մասնակցել է ԱՊՀ մասնակից պետությունների արտաքին գործերի նախարարների խորհրդի հերթական նիստին, որտեղ քննարկվել են կազմակերպության շրջանակում փոխգործակցությանը վերաբերող հարցեր և տարածաշրջանային զարգացումները։ Սաֆարյանը նաև անդրադարձել է «Մեղրին՝ 2026 թվականի ԱՊՀ մշակութային մայրաքաղաք» նախաձեռնության մեկնարկին՝ նշելով, որ դրա շրջանակում այս տարի նախատեսված են մի շարք մշակութային միջոցառումներ։ Այս մասին տեղեկացնում են ՀՀ ԱԳՆ-ից։
«Նիստի շրջանակներում պատվիրակությունների ղեկավարները քննարկել ԱՊՀ շրջանակներում փոխգործակցությանն առնչվող հարցեր, ինչպես նաև մտքեր են փոխանակել տարածաշրջանային զարգացումների շուրջ:
Ի թիվս այլ թեմաների, ՀՀ ԱԳ նախարարի տեղակալ Մնացական Սաֆարյանն անդրադարձել է ապրիլի 16-ին կայացած «Մեղրին 2026 թվականի ԱՊՀ մշակութային մայրաքաղաք» նախագծի հանդիսավոր մեկնարկին՝ նշելով, որ տվյալ նախաձեռնության շրջանակներում ընթացիկ տարում նախատեսվում են մի շարք մշակութային միջոցառումներ:
Նիստի արդյունքներով ընդունվել են օրակարգային փաստաթղթեր»,- ասվում է հաղորդագրությունում:
