17.04.2026 | 19:08
«Ոչ մի անգամ չեմ թաքնվել». Սամվել Կարապետյանը ելույթ ունեցավ դատարանի դահլիճում. ՏԵՍԱՆՅՈՒԹ
Կառլո Անչելոտին նշել է իտալական ֆուտբոլի ճգնաժամի պատճառները
17.04.2026 | 16:35
Ֆուտբոլի Բրազիլիայի հավաքականի գլխավոր մարզիչ Կառլո Անչելոտին խոսել է իտալական ֆուտբոլի ճգնաժամի պատճառների մասին։
«Հիմնական տարբերությունը տեմպի մեջ է։ Ոչ միայն վազքի, այլև մտավոր տեմպի, անընդհատ ներգրավվածության, ինտենսիվության, որը պարզապես դատարկ արտահայտություն չէ և չի կարող կիրառվել միայն խաղի որոշակի փուլերի համար։ Իտալական ֆուտբոլը հենց դա է կորցրել։ Այն նաև կորցրել է իր հիմնարարությունը։ Մենք արդեն տաղանդի պակաս ունենք խաղադաշտի մյուս հատվածներում, իսկ մարտավարության վրա չափազանց կենտրոնացումը խեղաթյուրել է մեր բնութագրերը՝ հենց այն հատկանիշները, որոնց վրա մենք միշտ կառուցել ենք մեր պատմությունը։
Արտասահմանցի աստղերն այլևս չեն գալիս Իտալիա: Արտասահմանում ավելի գրավիչ շուկա է ի հայտ գալիս՝ շնորհիվ նշանակալի հեռուստատեսային իրավունքների և հզոր ներդրողների: Այդ պատճառով Ա սերիան այլևս չունի այնպիսի խաղացողներ, ինչպիսիք են Ֆալկաոն, Մարադոնան, Պլատինին, Կրոլը, Ռումենիգեն, Ռոնալդոն, Ռոնալդինյոն և այդ դարաշրջանի մյուս բոլոր աստղերը։ Ումի՞ց պետք է սովորեն երիտասարդ իտալացի ֆուտբոլիստները»,- իտալացի մասնագետի խոսքը մեջբերում է Il Giornale-ն։
Հիշեցնենք, որ աշխարհի քառակի չեմպիոն Իտալիայի հավաքականը երրորդ անգամ անընդմեջ չէր կարողացել նվաճել աշխարհի առաջնության ուղեգիր, իսկ իտալական Ա սերիան այս մրցաշրջանում ներկայացուցիչ չունի եվրագավաթների կիսաեզրափակիչում։
