17.04.2026 | 19:30
Լիբանանում ՀՀ դեսպանությունը շարունակում է աշխատել արտակարգ ռեժիմով. ԱԳՆ
Թուրքիան, Պակիստանը, Եգիպտոսը և Սաուդյան Արաբիան կքննարկեն Իրանում պատերազմը դադարեցնելու ուղիները
Քաղաքականություն
17.04.2026 | 17:18
Թուրքիայի, Պակիստանի, Եգիպտոսի և Սաուդյան Արաբիայի արտաքին գործերի նախարարներն այսօր կհանդիպեն Անթալիայի դիվանագիտական ֆորումի շրջանակում՝ քննարկելու տարածաշրջանային հարցեր, այդ թվում՝ Իրանի պատերազմը, հայտնել է թուրքական դիվանագիտական աղբյուրը, գրում է France 24-ը։
«Հանդիպման ընթացքում նախատեսվում է քննարկել տարածաշրջանային խնդիրների, մասնավորապես, ԱՄՆ-Իսրայել-Իրան պատերազմի տարածաշրջանային լուծումների մշակման հարցեր՝ տարածաշրջանային պատասխանատվության մոտեցման շրջանակներում»,- ասել է աղբյուրը։
Պակիստանի ԱԳՆ խոսնակը հինգշաբթի հաստատել էր, որ չորս երկրների բարձրաստիճան պաշտոնյաներն այս շաբաթվա սկզբին հանդիպել են Իսլամաբադում՝ պաշտոնական մակարդակով՝ նախարարների մակարդակով անցյալ հանդիպումները շարունակելու և Անթալիային նախապատրաստվելու համար։
«Անթալիայի բանակցությունները տարբերվում են Իրանի դեմ պատերազմը դադարեցնելու դիվանագիտական ջանքերից»,- ասել են թուրք պաշտոնյաները։
Չորս երկրների նախարարները մարտին երկու հանդիպում են անցկացրել Իրանի պատերազմի ավարտին հասնելու ջանքերի շրջանակում։ Իրանի հարևան Թուրքիան սերտ կապի մեջ է նաև ԱՄՆ-ի, Իրանի և միջնորդ Պակիստանի հետ։
Թարգմանությունը՝ Էմմա Չոբանյանի
