27.07.2026 | 18:40
Սամվել Կարապետյանը դատական հայց է ներկայացրել ԿԿՀ-ի դեմ
Տեղի ունեցող իրադարձությունների ֆոնին Հարավային Կովկասի նշանակությունը միայն աճում է. Կոբախիձե
Քաղաքականություն
17.04.2026 | 14:00
Անթալիայի դիվանագիտական ֆորումում կազմակերպված քննարկման ժամանակ Վրաստանի վարչապետ Իրակլի Կոբախիձեն հայտարարել է, որ աշխարհում շարունակվող պատերազմներն ու աշխարհաքաղաքական լարվածությունը բացասաբար են անդրադառնում համաշխարհային իրավիճակի վրա։ Նրա խոսքով՝ հակամարտությունները վնաս են հասցնում առևտրային ուղիներին, էներգետիկային, տրանսպորտին և տնտեսական կայունությանը։
«Հարավային Կովկասի վերաբերյալ ակնահայտ է, որ այս բոլոր անորոշություններն ու գլոբալ մարտահրավերներն ազդում են նաև մեր տարածաշրջանի վրա։ Սակայն, հաշվի առնելով մեր շուրջ կատարվող իրադարձությունները, Հարավային Կովկասի նշանակությունը միայն աճում է։ Մենք ձգտում ենք առավելագույնս օգտագործել առկա հնարավորությունները»,- ասել է Կոբախիձեն։
Նա հավելել է՝ իրենց տեսլականն է՝ երկրում խաղաղության պահպանումը, կայունության ապահովումը, տնտեսական առաջընթացը և կապերի զարգացումը։
«Այս մոտեցման շնորհիվ մենք ոչ միայն պահպանում ենք ներքին խաղաղությունը, այլև նպաստում ենք մեր տարածաշրջանում՝ Հարավային Կովկասում, ավելի լայն խաղաղությանը։ Մենք ուրախ ենք, որ այս առումով, ի դեմս Թուրքիայի, ունենք ուժեղ գործընկեր»,- հայտարարել է Վրաստանի նախագահը։
Թարգմանությունը՝ Էմմա Չոբանյանի
