17.04.2026 | 17:58
Իսրայելը հայտարարել է, որ Լիբանանում հարձակումը «դեռևս ավարտված չէ»
Ֆրանսիայի նախագահն աջակցում է Լիբանանում հրադադարին, բայց նաև մտահոգություն ունի
Քաղաքականություն
17.04.2026 | 15:03
Ֆրանսիայի նախագահ Էմանուել Մակրոնը հայտարարել է, որ լիովին սատարում է Լիբանանում հրադադարը, որը կարող է դադարեցնել Իսրայելի և լիբանանյան «Հըզբոլլահ» զինված խմբավորման միջև վեց շաբաթ տևած մարտերը, գրում է CNN-ը։
Այնուամենայնիվ, Մակրոնը նաև մտահոգություն է հայտնել, որ համաձայնագիրը «կարող է արդեն թուլացած լինել ռազմական գործողությունների շարունակության պատճառով»։
«Ես կոչ եմ անում ապահովել Լիբանանի և Իսրայելի միջև սահմանի երկու կողմերում գտնվող քաղաքացիական բնակչության անվտանգությունը։ Հըզբոլլահը պետք է հրաժարվի զենքից։ Իսրայելը պետք է հարգի Լիբանանի ինքնիշխանությունը և դադարեցնի պատերազմը»,- X-ում գրել է նա։
Լիբանանյան բանակը հայտարարել է, որ ուրբաթ՝ տեղական ժամանակով կեսգիշերին հրադադարի ուժի մեջ մտնելուց հետո գրանցել է Իսրայելի կողմից հրադադարի բազմաթիվ խախտումներ։ Բեյրութն Իսրայելին մեղադրել է «մի շարք ագրեսիայի գործողություններ» կատարելու մեջ՝ նշելով, որ պարբերաբար հրետակոծությունները վնասել են հարավային Լիբանանի մի քանի գյուղեր։
«Հըզբոլլահը» հայտարարել է, որ կպահպանի հրադադարը, եթե Իսրայելը դա անի։
Թարգմանությունը՝ Էմմա Չոբանյանի
