16.04.2026 | 20:42
Ընտրակաշա՞ռք, թե՞ աշխատավարձ․ «Ուժեղ Հայաստան»-ից 14 անձ է ձերբակալվել, նոր գաղտնալսում է հրապարակվել. ՏԵՍԱՆՅՈՒԹ
Ամերիկյան ընկերությունը դատի է տվել Մեսիին
16.04.2026 | 15:16
Մայամիում գտնվող VID ընկերությունը, որը մասնագիտացած է սպորտային և երաժշտական միջոցառումների կազմակերպման մեջ, դատական հայց է ներկայացրել ամերիկյան «Ինտեր Մայամիի» հարձակվող Լիոնել Մեսիի և Արգենտինայի ֆուտբոլի ասոցիացիայի (AFA) դեմ՝ պայմանագրի ենթադրյալ խախտման համար, հայտնում է TMZ-ն։
VID-ն Արգենտինայի ֆուտբոլի ասոցիացիայի հետ կնքել էր 7 միլիոն դոլար արժողությամբ պայմանագիր՝ ազգային հավաքականի անցած տարվա հոկտեմբերին կայացած երկու ընկերական խաղերի (Վենեսուելայի հետ՝ 1:0, և Պուերտո Ռիկոյի հետ՝ 6:0) կազմակերպման բացառիկ իրավունքների համար։
Պայմանագրի համաձայն՝ Մեսին պետք է յուրաքանչյուր խաղում խաղադաշտում անցկացներ առնվազն 30 րոպե, եթե վնասվածք չունենար։ Սակայն նա բաց էր թողել Վենեսուելայի հավաքականի դեմ խաղը, իսկ հաջորդ օրը «Ինտեր Մայամիի» կազմում մասնակցել էր «Ատլանտայի» դեմ MLS-ի հանդիպմանը (4:0) և դարձել դուբլի ու գոլային փոխանցման հեղինակ։
Ընկերությունը պնդում է, որ միլիոնավոր դոլարների վնաս է կրել այն պատճառով, որ 38-ամյա ֆուտբոլիստը չի հայտնվել խաղադաշտում, և պահանջում է ամբողջական վնասի փոխհատուցում, ինչպես նաև լրացուցիչ վճարումներ։
