16.04.2026 | 15:51
Միրզոյանն ու Ռումինիայի ԱԳ նախարարը քննարկել են ՀՀ-ԵՄ գործընկերության խորացումն ու տարածաշրջանային զարգացումները
Փոքր Վեդի բնակավայրը կանվանափոխվի
16.04.2026 | 11:52
Փոքր Վեդին կանվանվի Խոր Վիրապ․ Տարածքային կառավարման և ենթակառուցվածքների նախարարությունից հայտնում են՝ բնակավայրի անվանափոխության նախաձեռնման համար հիմք է հանդիսացել այն, որ Վեդի համայնքում ընդգրկված են Վեդի քաղաքային և Փոքր Վեդի գյուղական բնակավայրերը:
Նշվում է նաև, որ Վեդի համայնքի Փոքր Վեդի բնակավայրի բնակչության մեծ մասը կողմ է եղել Փոքր Վեդի բնակավայրը Խոր Վիրապ բնակավայրի անվանափոխելու նախաձեռնությանը:
«Բնակավայրի անվանափոխության նախաձեռնության համար հիմք է հանդիսացել նաև այն հանգամանքը, որ Փոքր Վեդի բնակավայրը հասարակության լայն շրջանակներում հայտնի է որպես «Խոր Վիրապ բնակավայր» անվանմամբ, ինչպես նաև այն, որ դեպի Խոր Վիրապ վանական համալիր տանող ճանապարհը հենց Փոքր Վեդի բնակավայրի կենտրոնական Հ-11 հանրապետական նշանակության ավտոմոբիլային ճանապարհով է անցնում»,- նշվում է նախագծում։
Եվգենյա Համբարձումյան
