10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
ՉԼ․ «Բավարիան» դարձյալ հաղթել է «Ռեալին», «Արսենալը» նույնպես կիսաեզրափակիչում է․ ՏԵՍԱՆՅՈՒԹ
16.04.2026 | 10:34
Մյունխենի «Բավարիան» ու Լոնդոնի «Արսենալը» դուրս են եկել Չեմպիոնների լիգայի կիսաեզրափակիչ։
Քառորդ եզրափակիչի պատասխան խաղում Գերմանիայի չեմպիոնը սեփական խաղադաշտում 4։3 հաշվով պարտության է մատնել Մադրիդի «Ռեալին», որին հաղթել էր նաև առաջին մրցավեճում (2:1) (տեսանյութ):
«Բավարիայի» կազմում աչքի են ընկել Ալեքսանդր Պավլովիչը, Հարի Քեյնը, Լուիս Դիասը և Մայքլ Օլիսեն։ «Ռեալից» դուբլի հեղինակ է դարձել Արդա Գյուլերը, մեկ անգամ էլ աչքի է ընկել Կիլիան Մբապեն։
Հանդիպման վերջնամասում իսպանական ակումբից կարմիր քարտ է ստացել Էդուարդու Կամավինգան։
«Արսենալը» Լոնդոնում գոլազուրկ ոչ-ոքի է խաղացել պորտուգալական «Սպորտինգի» հետ, որին քառորդ եզրափակիչի առաջին խաղում հաղթել էր նվազագույն հաշվով։
Կիսաեզրափակիչում «Բավարիայի» մրցակիցը կլինի Չեմպիոնների լիգայի գործող գավաթակիր ՊՍԺ-ն, իսկ «Արսենալը» կմրցի Մադրիդի «Աթլետիկոյի» հետ։
Կիսաեզրափակիչի առաջին հանդիպումները կկայանան ապրիլի 28-ին և 29-ին, իսկ պատասխան խաղերը՝ մայիսի 5-ին և 6-ին։
