15.04.2026 | 17:53
Ալեքսանդր Լապշինի մուտքը Հայաստան արգելվել է
Կալանքը շատ հաճախ կիրառվում է որպես ճնշման միջոց, եբեմն տեսանելի չի` ինչպես է հիմնավորվում. Հարությունյան․ ՏԵՍԱՆՅՈՒԹ
Հասարակություն
15.04.2026 | 15:20
ԵՄ–Հայաստան քաղհասարակության 8-րդ հանդիպման ընթացքում իրավապաշտպան Հասմիկ Հարությունյանը խոսել է դատական համակարգում առկա խնդիրների և մարդու իրավունքների վիճակի մասին։
Նրա խոսքով՝ Հայաստանի դատական համակարգի մշտական խնդիրներից է կալանքի կիրառման պրակտիկան։
«Չնայած նրան, որ կալանքը պիտի օգտագործվի որպես բացառիկ միջոց, գործնականում հաճախ այն կիրառվում է շատ ավելի հաճախակի դեպքերում, նաև որպես ճնշման միջոց։ Եվ շատ մեծ դեպքերում նաև տեսանելի չէ, թե իրականում ինչպես է հիմնավորվում վարույթ իրականացնող մարմինը, ինչպիսի հիմնավորումներ է ներկայացնում կալանքը որպես խափանման միջոց կիրառելու դեպքում։ Այստեղ նույնպես սկսած վերապատրաստումներից, վերջնականացրած օրենսդրական և պրակտիկ լուրջ փոփոխությունների, մենք անելիք ունենք»,- ասաց «Իրավունքների պաշտպանություն առանց սահմանների» ՀԿ-ի ավագ իրավաբանը։
Նա նշեց, որ թեև 2018 թվականից հետո որոշ ժամանակ այդ ցուցանիշը նվազել էր, վերջին շրջանում կրկին մտահոգիչ աճ է արձանագրվում։ Իրավապաշտպանը հավելեց, որ այս ոլորտում անհրաժեշտ են ինչպես վերապատրաստումներ, այնպես էլ օրենսդրական և պրակտիկ փոփոխություններ։
Հարությունյանը անդրադարձավ նաև մարդու իրավունքների խախտումներին՝ նշելով, որ փակ և կիսափակ հաստատություններում շարունակվում են արձանագրվել մահվան մտահոգիչ դեպքեր։ Նրա խոսքով՝ այդ դեպքերի վերաբերյալ արդյունավետ քննություններ հաճախ չեն իրականացվում, ինչը խոչընդոտում է նաև դրանց կանխարգելմանը։
Բացի այդ, նա նշեց, որ խոշտանգումների և վատ վերաբերմունքի դեպքեր արձանագրվում են նաև հավաքների ընթացքում։
Մանրամասները՝ տեսանյութում։
