17.04.2026 | 17:58
Իսրայելը հայտարարել է, որ Լիբանանում հարձակումը «դեռևս ավարտված չէ»
Թուրքիայում երկու հույն է ձերբակալվել՝ Սուրբ Սոֆիայի տաճարում քրիստոնեական կարգախոսով դրոշ ծածանելու համար
Քաղաքականություն
15.04.2026 | 18:29
Թուրքական ոստիկանությունը ձերբակալել է երկու հույների, որոնք Ստամբուլի Սուրբ Սոֆիայի բյուզանդական դարաշրջանի տաճարում, որը վերածվել է մզկիթի, ծածանել են ազգայնական քրիստոնեական կարգախոսով դրոշ, գրում է Turkish Minute-ը:
Նրանց ծածանած դրոշի վրա պատկերված է եղել երկգլխանի արծիվ և հունարենով «Ուղղափառություն կամ մահ» գրությունը, որը որպես կարգախոս օգտագործվում է ծայրահեղ պահպանողական ուղղափառ կրոնական շրջանակների կողմից։
«Երկու հույն զբոսաշրջիկներ՝ մեկ կին և մեկ տղամարդ, ձերբակալվել են Ստամբուլում։ Հունաստանի գլխավոր հյուպատոսը նրանց տրամադրում է համապատասխան հյուպատոսական օգնություն»,- AFP-ին ասել է Հունաստանի արտաքին գործերի նախարարության խոսնակ Լանա Զոչիուն։
Թուրքական մասնավոր NTV-ի հաղորդմամբ՝ զույգը ձերբակալվել է «հասարակության մի մասին նվաստացնելու» մեղադրանքով։
2020 թվականին Թուրքիան Սուրբ Սոֆիայի տաճարը թանգարանից վերածեց մզկիթի, քայլ, որը զայրույթ առաջացրեց Հունաստանում։ Հունաստանը խստորեն դատապարտել էր Անկարայի որոշումը՝ ՅՈՒՆԵՍԿՕ-ի Համաշխարհային ժառանգության ցանկում ընդգրկված տաճարը վերածել մուսուլմանների պաշտամունքի վայրի, իսկ վարչապետ Կիրիակոս Միցոտակիսը դա անվանել էր «Թուրքիայի թուլության ցուցադրություն»։
Թարգմանությունը՝ Էմմա Չոբանյանի
