14.04.2026 | 23:28
Կրեմլը վերանայում է ինտերնետի սահմանափակումների նկատմամբ մոտեցումը՝ վախենալով Պուտինի վարկանիշի անկումից․ Bloomberg
Կարգավորող մարմինը չափորոշիչներ կսահմանի ներքաղաքական կյանքին միջամտության բովանդակության վերաբերյալ․ ՏԵՍԱՆՅՈՒԹ
Քաղաքականություն
14.04.2026 | 16:29
«Տեսալսողական մեդիայի մասին» օրենքում փոփոխություններ և լրացումներ կատարելու մասին նախագիծը լրամշակվել է Արդարադատության նախարարության ու Հեռուստատեսության և ռադիոյի հանձնաժողովի հետ համատեղ աշխատանքի արդյունքում։
«Որոշում է կայացվել նախագծով կարգավորող պետական մարմնին լիազորել սահմանել համապատասխան չափորոշիչներ օրինակ՝ պատերազմի կոչեր պարունակող տեղեկությունների, ինչպես նաև Հայաստանի Հանրապետության ներքաղաքական կյանքին միջամտության բովանդակության տարածման դեպքում»,- ԱԺ-ում հայտարարեց ԲՏԱ նախարար Մխիթար Հայրապետյանը։
Բացի այդ, առաջարկվող կարգավորումներով կհստակեցվեն տեսալսողական հաղորդումների արգելքների դեպքերը։ Մասնավորապես, նախատեսվում է արգելել օտարերկրյա ծրագրերում ՀՀ ներքաղաքական կյանքին միջամտող բովանդակության տարածումը։
Նախագծով նաև սահմանվում են ցանցային օպերատորների նկատմամբ լիցենզիայի կասեցման և դադարեցման հիմքերն ու կիրառման մեխանիզմները, ինչպես նաև նախատեսվում են տուգանքներ՝ օրենքի խախտմամբ գործունեություն իրականացնելու դեպքում։
Մանրամասները՝ տեսանյութում։
