Ապաշրջափակման գործընթացն առկախված է նաև հայկական կողմից աշխատանքներ չկատարելու պատճառով․ Մելիքսեթյան․ ՏԵՍԱՆՅՈՒԹ

Ապաշրջափակման գործընթացն առկախված է նաև հայկական կողմից աշխատանքներ չկատարելու պատճառով։ Այս մասին ասուլիսի ժամանակ ասաց «Հայկական խորhուրդ» վերլուծական կենտրոնի փորձագետ, Ադրբեջան մեկնած հայ փորձագետների պատվիրակության անդամ Սամվել Մելիքսեթյանը։ 

Նրա խոսքով՝ մի քանի հարց է բարձրացվել նաև կոմունիկացիենրի հետ կապված։ Ըստ Մելիքսեթյանի՝ TRIPP-ը մնում է առանցքային թեմաներից մեկը հայ-ադրբեջանական կարգավորման շրջանակում։

«Ադրբեջանական կողմի համար այս հարցը շատ կարևոր է։ Դուք գիտեք, որ մենք ունենք մտավախություններ՝ կապված Իրանի պատերազմի հնարավոր ազդեցության այս կոմունիկացիաների վրա, և նաև փորձում ենք հասկանալ՝ ինչպես է կարելի, ինչ լուծումներ են հնարավոր, եթե այս զարգացումները երկար լինեն, այսինքն՝ Իրանում պատերազմը շարունակվի, կամ ապագայում նաև TRIPP-ը դիտարկվի որպես այնպիսի ենթակառուցվածք, որը կարող է խոցվել հակամարտության շրջանակում»,- ասաց փորձագետը։

Նրա գնահատմամաբ՝ ադրբեջանական կողմի համար Նախիջևանի հետ կապը մնում է առանցքային թեման, ըստ Մելիքսեթյանի, նաև հայկական կողմի աշխատանքներից է կախված, որպեսզի հնարավորություն լինի զարգացնել ապաշրջափակման գործընթացը։

Հիշեցնենք, որ 2026 թվականի ապրիլի 10-12-ը, «Խաղաղության կամուրջ» նախաձեռնության շրջանակներում, Ադրբեջանի և Հայաստանի քաղաքացիական հասարակության ներկայացուցիչների մասնակցությամբ Ադրբեջանում տեղի է ունեցել հերթական երկկողմ կլոր սեղանը։ 

Մանրամասները՝ տեսանյութում։