Քաղաքականություն
10.04.2026 | 16:16«Իմ որոշումն է ցուցակում չլինելը»,- այս մասին Factor.am-ի հետ զրույցում ասաց ԱԺ «Հայաստան» խմբակցության ղեկավար Սեյրան Օհանյանը՝ անդրադառնալով հարցին, թե ինչու չկա 2026 թվականի հերթական ընտրությունների «Հայաստան» դաշինքի ցուցակում։
«Դաշինքի ղեկավարի հետ որոշել ենք այդպես։ Սա կապված է նրա հետ, որ ես ինքս և մեր դաշինքի ավագ սերնդի ներկայացուցիչները որոշել ենք ճանապարհ տալ երիտասարդներին, որոնք ավելի ակտիվ են և արդյունավետ են աշխատել»,- ասաց Սեյրան Օհանյանը։
Դիտարկմանը, որ երիտասարդներին հնարավորություն տալու որոշման ֆոնին «Հայաստան» դաշինքի ցուցակը գլխավորում է 72-ամյա Ռոբերտ Քոչարյանը, Օհանյանը պատասխանեց. «Պարոն Քոչարյանը մեր նորօրյա պատմության այն փորձառու անձնավորություններից է, որը կարող է շարունակել ղեկավարել մեր երկիրը և դուրս բերել այս ճգնաժամից»։
Հիշեցնենք՝ Քոչարյանից հետո ցուցակի առաջին եռյակում են Իշխան Սաղաթելյանը և Աննա Գրիգորյանը։
Մանրամասները՝ տեսանյութում։
Նարեկ Կիրակոսյան
