19.12.2025 | 19:10
Փարաքար համայնքին կվերադարձվի 0.2 հա մակերեսով հողամաս. Գլխավոր դատախազության հայցը բավարարվել է
Առաջիկա օրերին կիմանաք. Արթուր Վանեցյանը՝ կաշառքի գործով Փաշինյանի նշած պատգամավորի մասին. ՏԵՍԱՆՅՈՒԹ
Հասարակություն
19.11.2018 | 16:03
Ազգային անվտանգության ծառայության տնօրեն Արթուր Վանեցյանը չի ցանկանում խոսել վարչապետի պաշտոնակատար Նիկոլ Փաշինյանի՝ ԱԺ պատգամավորի հետ կապված կաշառքի գործի մասին: Այսօր՝ նոյեմբերի 19-ին, կառավարության արտահերթ նիստից հետո լրագրողների հարցին ի պատասխան՝ Արթուր Վանեցյանն ասաց. «Առաջիկայում կիմանաք»:
Նշենք, որ վարչապետի պաշտոնակատար Նիկոլ Փաշինյանն ավելի վաղ ՀՀ Ազգային ժողովում ունեցած ելույթում հայտարարել էր կաշառքի գործով պատգամավորի հնարավոր ձերբակալության մասին: Factor.am-ը գրել էր, որ խոսքը ՀՀԿ-ական պատգամավոր Արամ Հարությունյանի մասին է:
ՀՀ երկրորդ նախագահ Ռոբերտ Քոչարյանի հետ կապված բացահայտումների մասին էլ ԱԱԾ պետն ասաց՝ օպերատիվ աշխատանքներ են ընթանում. «Եկեք օպերատիվ աշխատանքներն ավարտենք, հիմնավորենք, որպեսզի երբ լինեն կոնկրետ հրապարակումներ, կարողանանք մեկնաբանել»:
Ինչ վերաբերում է իր և ՀՔԾ պետ Սասուն Խաչատրյանի հեռախոսազրույցի գաղտնալսման գործին, ապա Արթուր Վանեցյանն ասաց՝ այս պահին ոչինչ չի կարող հայտնել: «Քննչական կոմիտեում հարուցված քրեական գործը ընթանում է, փորձաքննություններ են նշանակված: Կարծում եմ՝ առաջիկայում Քննչական կոմիտեն պարզաբանումներ կտա»,- նշեց Արթուր Վանեցյանը:
Մանրամասները՝ տեսանյութում
