27.07.2026 | 20:09
Հայ շախմատիստները մրցաշարի են մասնակցում Ղազախստանում
ԲԿՄԱ-ին տեխնիկական պարտություն է գրանցվել «Ուրարտուի» դեմ խաղում
09.04.2026 | 17:59
ԲԿՄԱ-ին 0։3 հաշվով տեխնիկական պարտություն է գրանցվել «Ուրարտուի» դեմ ֆուտբոլի Հայաստանի Պրեմիեր լիգայի 19-րդ տուրի խաղում։ Նման որոշում է կայացվել ՀՖՖ Կարգապահական և էթիկայի կոﬕտեի հերթական նիստում։
«Հիմք ընդունելով ՀՖՖ Կարգապահական և Էթիկայի կանոնակարգի (2025 թվականի խմբագրություն) 20-րդ հոդվածի 4-րդ կետը՝ ԲԿՄԱ-ին տուգանել նվազագույն աշխատավարձի երեսունապատիկի՝ 30,000 ՀՀ դրաﬕ չափով։ «ԲԿՄԱ» թիﬕն գրանցել տեխնիկական պարտություն՝ 0։3 հաշվով»,- նշված է որոշման մեջ։
Պատժամիջոցի պատճառը կանոնակարգի խախտումն է։ ԲԿՄԱ-ի կազմում խաղացել է ֆուտբոլիստ, որը հայտավորված չի եղել հանդիպմանը։
Մարտի 20-ին կայացած խաղում «Ուրարտուն» հաղթել էր 1։0 հաշվով։ Այդ հանդիպմանը ԲԿՄԱ-ն մասնակցել էր հետևյալ կազմով․ Հայկ Ղազարյան, Մարկ Ավետիսյան, Արգիշտի Պետրոսյան, Պետիկ Մանուկյան, Գոռ Առաքելյան, Միշել Այվազյան, Արթուր Ասկարյան, Համլետ Սարգսյան, Դավիթ Հարությունյան (Սուրեն Կիրակոսյան, 82), Գրենիկ Պետրոսյան (Հարություն Մանուկյան, 88), Նարեկ Հովհաննիսյան (Արշակ Պետրոսյան, 88)։
