09.04.2026 | 18:19
Ադրբեջանի հետ խաղաղությունը կհանգեցնի հայ-թուրքական սահմանի բացմանը. թուրք պատգամավոր
ԱՊՀ գլխավոր քարտուղարը մեկնաբանել է Հայաստանի՝ կառույցից դուրս գալու հնարավորությունը
Քաղաքականություն
09.04.2026 | 15:18
Հայաստանը չի պլանավորում կրճատել համագործակցությունը Անկախ Պետությունների Համագործակցության (ԱՊՀ) հետ կամ դուրս գալ դրանից։ Այս մասին «Իզվեստիա»-ին ասել է ԱՊՀ գլխավոր քարտուղար Սերգեյ Լեբեդևը։
«Ոչ, [Հայաստանի և ԱՊՀ-ի միջև համագործակցության կրճատում] չի պլանավորում։ Երևանը հետաքրքրված է ԱՊՀ-ի հետ բազմաթիվ ոլորտներում շփումներով՝ տնտեսական, իհարկե, քաղաքական և մարդասիրական։ Ռազմաքաղաքական ոլորտում նրանք որոշակի կասկածներ և բարդություններ ունեն Հավաքական անվտանգության պայմանագրի կազմակերպության (ՀԱՊԿ) հետ։ Մնացածի դեպքում, ինչ վերաբերում է ԱՊՀ-ին, հարցեր չկան», – ասել է նա։
Ավելի վաղ Հայաստանի խորհրդարանի խոսնակ Ալեն Սիմոնյանը հայտարարել էր, որ եթե Մոսկվան որոշի բարձրացնել մատակարարվող ռուսական գազի գները, Երևանը կսկսի ՀԱՊԿ-ից և Եվրասիական տնտեսական միությունից դուրս գալու գործընթաց։
«Նման խոսակցություները նոր չեն, ապրանքների ու գազի գնի հետ կապված խոսակցությունները տարիներ շարունակ եղել են: Այդ պարագայում՝ եթե նման որոշում կկայացնեն, ՀՀ-ն էլ իր որոշումը կկայացնի և դուրս կգա վերջնականապես թե ՀԱՊԿ-ից, թե ԵԱՏՄ-ից, բայց չեմ կարծում, որ դրան կգնա կհասնի», – ասել էր Սիմոնյանը։
Թարգմանությունը՝ Էմմա Չոբանյանի
