29.09.2026 | 14:07
Արաղչին հայտնել է, որ երեքշաբթի ԱՄՆ-ից պատասխան է ակնկալում Հորմուզը բացելու ծրագրի վերաբերյալ
ՉԼ․ «Բարսելոնան» պարտվել է «Աթլետիկոյին», ՊՍԺ-ն հաղթել է «Լիվերպուլին»․ ՏԵՍԱՆՅՈՒԹ
09.04.2026 | 10:37
Չեմպիոնների լիգայի քառորդ եզրափակիչի առաջին խաղում կատալոնական «Բարսելոնան» սեփական խաղադաշտում 0։2 հաշվով պարտվել է Մադրիդի «Աթլետիկոյին»։
44-րդ րոպեին վերջին հույսի խախտման համար խաղադաշտից հեռացվել է «Բարսելոնայի» իսպանացի պաշտպան Պաու Կուբարսին, իսկ մեկ րոպե անց տուգանային հարվածով հանդիպման հաշիվը բացել է «Աթլետիկոյի» արգենտինացի հարձակվող Խուլիան Ալվարեսը։ 70-րդ րոպեին հյուրերի առավելությունը կրկնապատկել է փոխարինման մտած նորվեգացի հարձակվող Ալեքսանդր Սյորլոթը։
Նախորդ անգամ «Բարսելոնան» «Կամպ Նոու» ստադիոնում «Աթլետիկոյին» պարտվել էր շուրջ 20 տարի առաջ՝ 2006թ․ փետրվարին։
Օրվա մյուս խաղում Չեմպիոնների լիգայի գործող գավաթակիր ֆրանսիական ՊՍԺ-ն ընդունել է անգլիական «Լիվերպուլին» ու հաղթել 2։0 հաշվով։ Դաշտի տերերի կազմում աչքի են ընկել ֆրանսիացի հարձակվող Դեզիրե Դուեն ու վրացի վինգեր Խվիչա Կվարացխելիան։
Այս զույգերի պատասխան հանդիպումները տեղի կունենան ապրիլի 14-ին։
