08.04.2026 | 18:40
Զախարովան ՀՀ ընտրական օրենսգրքում փոփոխություններից է բողոքել
Իրանը հարձակվել է Քուվեյթի և ԱՄԷ-ի վրա՝ իր նավթային օբյեկտներին հարվածելուց հետո
Քաղաքականություն
08.04.2026 | 15:56
Իրանը հրթիռային և անօդաչու թռչող սարքերով հարձակումներ է սկսել Քուվեյթի և Արաբական Միացյալ Էմիրությունների վրա՝ չորեքշաբթի առավոտյան Իրանի Լավան կղզում գտնվող նավթային օբյեկտների վրա ավիահարվածներից հետո, հաղորդել է պետական հեռուստատեսությունը։
Պետական հեռուստատեսությունը նաև մեջբերել է Իրանի ազգային նավթավերամշակման և բաշխման ընկերության հաղորդագրությունը, ըստ որի՝ Լավանի նավթավերամշակման գործարանը «վախկոտ հարձակման է ենթարկվել» առավոտյան ժամը 10-ին:
Իրանի Հեղափոխության պահապանների կորպուսը հայտարարել է, որ գիշերը հարձակվել է ԱՄՆ-ի և Իսրայելի հետ կապված էներգետիկ համալիրների և նավթի փոխադրման գծերի, այդ թվում՝ Սաուդյան Արաբիայի Յանբու նավահանգստային քաղաքի նավթային օբյեկտների վրա, հաղորդում են պետական լրատվամիջոցները։
Արաբական Միացյալ Էմիրությունները հայտարարել է, որ իր հակաօդային պաշտպանությունը կրակ է բացել Իրանի կողմից հրթիռային հարվածի դեմ։
Քուվեյթը հայտարարել է, որ ժամեր շարունակ բախվել է «իրանական հարձակումների ինտենսիվ ալիքի»։ Հաղորդվել է, որ որոշ անօդաչու թռչող սարքեր թիրախավորել են կենսական նշանակություն ունեցող էլեկտրակայաններ և ջրի աղազերծման կայաններ, ինչպես նաև նավթային օբյեկտներ՝ ենթակառուցվածքներին պատճառելով մեծ վնաս։
Ավելի վաղ հաղորդվել էր, Իրանի Լավանի նավթավերամշակման գործարանում և Սիրի կղզում մի քանի պայթյուններ են գրանցվել՝ ԱՄՆ-Իրան հրադադարի մասին հայտարարությունից մի քանի ժամ անց։
Թարգմանությունը`Էմմա Չոբանյանի
