11.06.2026 | 17:20
Իրանն ու Ադրբեջանը համաձայնության են եկել Արաքս գետի ջրային պաշարների բաշխման վերաբերյալ
Իսլամաբադում կայանալիք ԱՄՆ-ի հետ բանակցություններում Իրանի գլխավոր բանակցողը դեռևս հաստատված չէ
Քաղաքականություն
08.04.2026 | 14:35
Իրանական Tasnim-ին տեղեկացված աղբյուրը հայտնել է, որ չնայած լրատվամիջոցների մի շարք պնդումներին, համաձայն որոնց՝ իրանական բանակցային թիմի ղեկավարը վերջնականապես ընտրվել է, հարցը, սակայն, դեռևս լուծված չէ։
Աղբյուրը նշել է, որ Իրանի Ազգային անվտանգության գերագույն խորհրդի քարտուղարությունը, իշխանության երեք ճյուղերի և այլ համապատասխան պաշտոնյաների հետ միասին, մանրակրկիտ ուսումնասիրում է բանակցությունների համար անհրաժեշտ բոլոր ասպեկտներն ու պայմանները, և շուտով պաշտոնական հայտարարություններ կարվեն։
Տեղեկացված աղբյուրը նաև խորհուրդ է տվել լրատվամիջոցներին զերծ մնալ ավելորդ ենթադրություններից և այնպիսի լուրերի տարածումից, որոնք չունեն փաստական ճշգրտություն՝ հաշվի առնելով իրավիճակի զգայունությունը։
Այս արձագանքը հնչում է այն բանից հետո, երբ իրանական լրատվական գործակալություն ISNA-n հայտարարել էր, որ ապրիլի 10-ին Իսլամաբադում Թեհրանի և Վաշինգտոնի միջև կայանալիք բանակցություններում իրանական պատվիրակությունը կգլխավորի խորհրդարանի խոսնակ Մոհամմադ Բաղեր Ղալիբաֆը։
Այս չհաստատված հաղորդագրության համաձայն՝ ԱՄՆ փոխնախագահ Ջեյ Դի Վենսը կգլխավորի ԱՄՆ պատվիրակությունը Պակիստանում կայանալիք բանակցություններում։
Թարգմանությունը`Էմմա Չոբանյանի
