27.07.2026 | 18:08
Ընտրությունների մասնակցելու համար ՀՀ ժամանած քանի քաղաքացի է ստացել վարժական հավաքների ներկայանալու ծանուցագրեր
Կյանքից հեռացել է անվանի մարզիչ Միրչա Լուչեսկուն
08.04.2026 | 10:10
80 տարեկանում կյանքից հեռացել է ռումինացի անվանի մասնագետ Միրչա Լուչեսկուն, որը եղել է նաև իտալական «Ինտերի» կիսապաշտպան, Հայաստանի ազգային հավաքականի նախկին ավագ Հենրիխ Մխիթարյանի մարզիչը, հաղորդում է Ռումինիայի ֆուտբոլի ֆեդերացիայի մամուլի ծառայությունը։
Վերջին օրերին Միրչա Լուչեսկուն գտնվում էր Բուխարեստի Համալսարանական հիվանդանոցում։ Մարտի 29-ին նա սրտի կանգ էր ունեցել Ռումինիայի հավաքականի մարզման ժամանակ և հոսպիտալացվել։ Օրեր անց Լուչեսկուն հեռացել էր ազգային թիմի գլխավոր մարզիչի պաշտոնից։ Ապրիլի 5-ին վիճակը վատթարացել էր, նա հայտնվել էր արհեստական կոմայի մեջ։
Հենրիխ Մխիթարյանը Միրչա Լուչեսկունի գլխավորությամբ 2010-2013թթ․ խաղացել է Դոնեցկի «Շախտյորում»։ Մարզչական կարիերայի ընթացքում ռումինացին գլխավորել է նաև Թուքրիայի հավաքականը, իտալական «Պիզան», «Բրեշիան», «Ռեջինան», «Ինտերը», ռուսական «Զենիթը», Կիևի «Դինամոն» ու այլ ակումբներ։
